iklan

DILI, INTERNASIONÁL, NASIONÁL, POLÍTIKA

MNEK-STAE koordena malu prepara eleisaun iha diaspora

MNEK-STAE koordena malu prepara eleisaun iha diaspora

Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen TATOLI/Egas Cristóvão

DILI, 16 agostu 2021 (TATOLI) –Atu hala’o eleisaun prezidensiál 2022 ho eleisaun jerál 2023 iha diaspora,  daudaun ne’e Ministériu Negósiu Estranjeiru no Kooperasaun (MNEK) servisu hamutuk hele ho Sekretariadu Tékniku Administrasaun Eleitorál (STAE) atu halo preparasaun ba levantamentu dadus.

“Ami ho STAE prepara hela halo levantamentu dadus, deside ona atu ba uluk iha nasaun hanesan Portugal, Reinu Unidu, Austrália no Korea du Súl,” Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, informa ba Agência Tatoli iha edifísiu MNEK, Dili, segunda ne’e.

Parte MNEK ho STAE hein de’it orsamentu aloka loos ba ekipa ona mak foin dezloka ba halo servisu iha diaspora liuliu nasaun sira ne’ebé timor-oan barak hala’o sira-nia atividade ka knar.

“Agora ita iha faze preparasaun nia laran, orsamentu seidauk hatene tanba seidauk simu proposta, bainhira simu ona proposta foin hatene montante hira aloka ba ekipa ne’e hodi hala’o servisu,” Ministra Adaljiza Magno tenik.

Jornalista   : Hortencio Sanchez

Editór        : Francisco Simões

 

iklan
iklan

Leave a Reply

iklan
error: Content is protected !!