OÉ-CUSSE, 17 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), sesta ne’e rejista kazu pozitivu 19, ativu baixa 84 no rekoperadu 211.
Notísia Relevante: COVID-19 iha RAEOA: pozitivu 14, ativu 67 no rekoperadu 211
“Kazu pozitivu COVID-19, ohin, iha RAEOA hamutuk 19 ne’e mesak funsionáriu Obra Públika, kazu ativu baixa hela iha sala izolamentu hamutuk na’in-84 no rekopera ona hosi izolamentu hamutuk na’in-211,” Sekretáriu Rejionál Asuntu Saúde, Manuel da Costa, informa ba Agênsia Tatoli iha Sikluli, Oé-Cusse.
Totál kazu ativu hamutuk 84 ne’e, daudaun ne’e kumpre hela iha sala izolamentu Kiumaonteko hamutuk 15, izolamentu Alfandega Mahata 10, izolamentu Klinika Kurasaun na’in-tolu (3), izolamentu Kitahara Mahata hamutuk 52 no auto-izolamentu na’in-haat (4).
Aliende ne’e, pasajeiru sira-ne’ebé tama Oé-Cusse kumpre hela kuarentena hamutuk na’in-35, sira hela iha auto-kuarentena Fulolo na’in-haat (4), kuarentena Sakato na’in-tolu (3), uma Dra.Catarina Anunu na’in-ida (1), kuarentena Eskola ETARO Masin na’in-24, auto-kuarentena residensia Mateus Sufa na’in ida (1), auto-kuarentena Palaban na’in ida (1), auto-kuarentena Veronika Oématan na’in ida (1).
Tuir dadus hosi 23 marsu 2020 to’o 17 setembro 2021, totál dadus komulativu kazu konfirmadu hamutuk 296, hasai teste-swab 64, RDT swab 182, komulativu teste-swab 3.450, komulativu rezultadu negativu 3.248.
Dadus pasajeiru ne’ebé kumpre kuarentena obrigatóriu 1.684, auto-kuarentena 306 ho totál hamutuk 1.990 no pasa ona loron 14 hamutuk 1.859 no rejista óbitu ida.
Jornalista : Abílio Elo Nini
Editór : Cancio Ximenes
