DILI, 11 fevereiru 2022 (TATOLI)— Ministériu Saúde relata, óbitu ida, kazu detetadu foun ohin 243, rekuperadu 158 no kazu ativu 1.291.
“Total óbitu ne’ebé relata ohin, 11 fevereiru na’in-ida. Pasiente feto ho idade 53, Residente iha Bebobnuk, Dom Aleixo-Dili. Foti amostra iha HNGV iha loron kinta (10/02) no mate iha HNGV iha 23:30, kalan,” Diretora Jerál Prestasaun Saúde iha Ministériu Saúde, Odete da Silva Viegas , hateten liuhosi nota ne’ebé Agência TATOLI asesu sesta ne’e.
Matebian ne’e seidauk vasina, nune’e foti amostra halo teste ka diagnóstika final dahuluk sofre bronquiectasia; daruak, electrolites imbalance; datoluk pulmonary TB in continuation + Covid-19 CT: 30.1.
Nune’e, hahú 21 marsu 2020 to’o 11 fevereiru 2022 iha kumulativu kazu konfirmadu 21401 no óbitu 123.
Hosi horisehik mai ohin, Laboratóriu Nasionál Saúde halo teste PCR 709 kompostu vijilánsia sentinela 41, rastreiu ba kontaku 404, rastreiu aleatóriu 256 , viájen internasionál hitu, follow up iha kuarentena ida.
Alende ne’e, totál teste PCR ne’ebé halo iha 09 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 229 hanesan Maubisse laiha, Maliana 81, Viqueque laiha, Suai 12, Baucau ualu, Ermera laiha, RAeEOA 12, HNGV 116, Lautém laiha, Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 11 fevereiru 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,1%) no kumulativu 2ª doze iha Dili (82,5%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,3% no simu ona doze daruak 71,2 %.
Hosi insidénsia COVID-19 iha Timor-Leste, durante loron hitu ikus maka 12,6/100 mil abitante.
Iha loron 11 fevereiru 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu 22 , baixa ho COVID-19 hamutuk 22.
Notísia Relevante: COVID-19: kazu detetadu pozitivu 216 no ativu 1.208
Jornalista: Felicidade Ximenes
Editór : Florencio Miranda Ximenes
