DILI, 10 marsu 2022 (TATOLI)— Ministériu Saúde relata, kazu detetadu pozitivu na’in-hitu, rekuperadu 26 no kazu ativu 89.
“Ohin kazu detetadu foun hitu, rekuperadu 26 no kazu ativu 89,” hateten liuhosi nota ne’ebé Agência TATOLI asesu kinta ne’e.
Nune’e, hahú 21 marsu 2020 to’o 10 marsu 2022 iha kumulativu kazu konfirmadu 22.784 no óbitu 129.
Hosi horisehik mai ohin, Laboratóriu Nasionál Saúde halo teste PCR 123 kompostu vijilánsia sentinela ida, rastreiu ba kontaku tolu, rastreiu aleatóriu 80,viájen internasionál 39, follow up iha kuarentena laiha.
Alende ne’e, totál teste PCR ne’ebé halo iha 09 fevereiru 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 89 hanesan Maubisse laiha, Maliana 15, Viqueque laiha , Suai 18, Baucau ida , Ermera laiha, RAEOA 16, HNGV 54, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 08 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,6%) no kumulativu 2ª doze iha Dili (83,2%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,9% no simu ona doze daruak 72,2%.
Hosi insidénsia COVID-19 iha Timor-Leste, durante loron hitu ikus maka 0,5/100 mil abitante.
Iha loron 10 marsu 2022, izolamentu Vera-Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu haat, baixa ho COVID-19 hamutuk haat.
Notísia Relevante:COVID-19: kazu detetadu pozitivu na’in-sia no ativu 108
Jornalista: Felicidade Ximenes
Editór : Florencio Miranda Ximenes
