DILI, 23 maret 2022 (TATOLI)—Primeiru Ministru (PM), Taur Matan Ruak, lori Governu Timor-Leste nia naran, hato’o sentidu solidaridade ba Repúblika Pupulár Xina relasiona ho asidente aviaun China Eastern, ne’ebé monu iha área foho parte sul Xina, iha loron 21 marsu 2022.
“Lori Governu Timor-Leste nia naran hato’o ha’u-nia sentidu solidaridade ba Governu Repúblika Pupulár Xina no hato’o ha’u nia sentidu kondolénsia ba família vítima sira hosi asidente aviaun tipu Boeing 737-800,” PM Taur espresa liuhosi nia pájina.
Notísia relevante: Xefe Estadu agradese apoiu Governu Repúblika Populár Xina
Sita hosi CNN Indonesia, Aviaun China Eastern tula ema hamutuk 132, kompostu hosi pasajeiru 123 no crew aviaun hamutuk sia.
Hafoin aviaun ne’e monu hamosu kedan inséndiu iha parte sul, ne’ebé konsidera asidente aérea ne’e boot liu iha Xina iha dékada ida-ne’e nia laran.
Tuir Autoridade Aviaun Sivil Xina, asidente aviasaun ne’e akontese iha sidade Wuzhou iha área Guangxi, ne’ebé aviaun ne’e ho destinasaun hosi Kunning iha provínsia sudeste Grésia ba sentru indústria Guangzhou iha kosta leste.
Jornalista : Arminda Fonseca
Editora : Julia Chatarina
