LEI, MUNISÍPIU, POLÍTIKA

CNE : “Se segunda volta kandidatu nafatin hetan subvensaun”

CNE : “Se segunda volta kandidatu nafatin hetan subvensaun”

Vise-Prezidente CNE, Domingos Barreto. Imajen Tatoli/Sérgio da Cruz.

DILI, 29 marsu 2022 (TATOLI) – Vise Prezidente Komisaun Nasionál Eleisaun (CNE-sigla portugés), Domingos Barreto, hateten karik hakat ba segunda volta kampaña eleitorál mak kandidatu Prezidente Repúblika sei nafatin hetan subvensaun $4.

“Iha Lei númeru 6/2018 la ko’alia kona-ba kandidatu Prezidente Repúblika ba segunda volta maibé hateten kada kandidatura ne’ebé mak kandidata nia-an ba prezidente nia iha diretu atu hetan subvensaun $4 kada votu”, revela Barreto ba Agência TATOLI, iha nia knaar fatin Colmera, Dili, ohin.

Nia sita katak iha peramblu prevista ona osan ba kandidatu sira atu halo kampaña entaun laiha problema bainhira atribui osan $4 ba kandidatu eleisaun prezidensiál.

“Ha’u hanoin osan $4 ne’e tenke presiza atribui ba sira hodi halo kampaña durante loron 15, nune’e presiza duni atribui ba sira”, konklui.

Rekorda katak CNE submete ona rezultadu provizóriu eleisaun prezidensiál volta dahuluk ba Tribunál Rekursu no órgaun judisiál sei verifika no valida durante 72 horas no pronúnsia rezultadu finál eleisaun.

Bele lé mós : CNE submete ona rezultadu apuramentu nasionál ba Tribunál Rekursu

Jornalista : Osória Marqeus                   

Editór : Zezito Silva

iklan
iklan

Leave a Reply

iklan
error: Content is protected !!