DILI, 29 marsu 2022 (TATOLI)— Ministériu Saúde (MS) relata, kazu detetadu pozitivu foun iha na’in-lima, rekuperadu ida no kazu ativu 17.
“Ohin kazu detetadu foun lima, rekuperadu ida no kazu ativu 17,” hateten Diretora Jeral Prestasaun Saúde Odete da Silva Viegas liuhosi nota ne’ebé Agência TATOLI asesu, tersa ne’e.
Nune’e, hahú 21 marsu 2020 to’o 29 marsu 2022 iha kumulativu kazu konfirmadu 22.822 no óbitu 130.
Hosi horisehik mai ohin, Laboratóriu Nasionál Saúde halo teste PCR 95, kompostu vijilánsia sentinela laiha, rastreiu ba kontaku 14, rastreiu aleatóriu 26, viájen internasionál 55 no follow up iha kuarentena laiha.
Alende ne’e, totál teste PCR ne’ebé halo iha 28 marsu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 74 hanesan Maubisse laiha, Maliana 15, Viqueque laiha, Suai 10, Baucau laiha, Ermera laiha, RAEOA laiha, HNGV 49, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’eb é simu ona vasina to’o iha loron 29 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,2%) no kumulativu 2ª doze iha Dili (83,8%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,5% no simu ona doze daruak 72,7%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.
Iha loron 28 marsu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida baixa ho COVID-19.
Notísia Relevante:COVID-19: kazu detetadu pozitivu foun ida no ativu 13
Jornalista: Felicidade Ximenes
Editór : Florencio Miranda Ximenes
