COVID-19, HEADLINE, SAÚDE

COVID-19: kazu detetadu pozitivu na’in-ida no ativu 20

COVID-19: kazu detetadu pozitivu na’in-ida no ativu 20

Estudante Sekundára CAFE Maliana, simu hela vasina Pfizer doze dahuluk. Imajen Tatoli/Sérgio da Cruz.

DILI, 31 marsu 2022  (TATOLI)—Ministériu Saúde relata , kazu detetadu pozitivu foun na’in-ida, rekuperadu laiha no kazu ativu 20.

“Ohin kazu detetadu foun  ida, rekuperadu laiha no kazu ativu 20,” hateten Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu, kinta ne’e.

Notísia Relevante:Governu Xina apoia tan vasina Sinovac doze 100.000 ba Timor-Leste  

Nune’e, hahú 21 marsu 2020 to’o 31 marsu 2022  iha kumulativu kazu konfirmadu 22.831 no óbitu 130.

Hosi horisehik mai ohin, Laboratóriu Nasionál Saúde halo teste PCR  107, kompostu vijilánsia sentinela laiha, rastreiu ba kontaktu laiha, rastreiu aleatóriu 12, viájen internasionál 95 no follow up iha kuarentena laiha.

Alende ne’e, totál teste PCR ne’ebé halo iha 30 marsu  2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 102 hanesan Maubisse laiha, Maliana neen, Viqueque laiha, Suai hitu, Baucau 20, Ermera laiha, RAEOA laiha, HNGV  69,  Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 31 marsu  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,3%) no kumulativu 2ª doze iha Dili (83,9%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,7% no simu ona doze daruak 72,9%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron  31  marsu  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha baixa ho COVID-19 laiha.

Notísia Relevante: COVID-19: kazu detetadu pozitivu na’in-tolu no ativu 19

Jornalista: Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!