DILI 05 abríl 2022 (TATOLI)— Ministériu Saúde relata, kazu detetadu pozitivu foun na’in-haat, rekuperadu tolu no kazu ativu sia.
“Ohin kazu detetadu foun haat, rekuperadu tolu no kazu ativu na’in-sia,” hateten Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu, tersa ne’e.
Nune’e, hahú 21 marsu 2020 to’o 05 abril 2022 iha kumulativu kazu konfirmadu 22.836 no óbitu 130.
Hosi horisehik mai ohin, Laboratóriu Nasionál Saúde halo teste PCR 69, kompostu vijilánsia sentinela laiha, rastreiu ba kontaku laiha, rastreiu aleatóriu laiha, viájen internasionál 69 no ollow up iha kuarentena laiha.
Alende ne’e, totál teste PCR ne’ebé halo iha 04 abril 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 168, hanesan Maubisse laiha, Maliana laiha, Viqueque laiha, Suai 18, Baucau laiha Ermera laiha, RAEOA 101, HNGV 49, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 03 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,5%) no kumulativu 2ª doze iha Dili (84,1%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,1% no simu ona doze daruak 73,1%.
Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.
Iha loron 05 abril marsu 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.
Notísia Relevante: COVID-19: kazu rekuperadu na’in-haat no ativu 10
Jornalista: Felicidade Ximenes
Editór : Florencio Miranda Ximenes
