Top

STAE planu halo operasionál hodi ajusta divizaun toritoriál foun ba Ataúro

Mapa Ataúro. Imajen/ResearchGate

DILI, 20 abríl 2022 (TATOLI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, hateten STAE planu halo operasionál hodi ajusta divizaun toritoriál foun ba munisípiu Ataúro.

Notísia Relevante: Hahú janeiru 2022, Ataúro sai munisípiu foun

“STAE iha ona planu atu halo operasionál lori atu konsentra hodi ajusta ba divizaun toritoriál foun ne’ebé difine ona iha lei administrative, prinsipalmente ba postu administrativu Ataúro ne’ebé transforma ona ba Munisípiu,” Diretór STAE ne’e hateten ba Agência TATOLI hafoin partisipa serimónia kona-ba observasaun segunda volta nian, iha Hotel Timor, kuarta ne’e.

Tanba ne’e, nia dehan, agora sei labele book baze dadus to’o hein desizaun finál hosi Tribunál Rekursu.

“Ita labele book baze dadus agora tanba ita iha ona kontajen buletin votu eleisaun prezidensiál segunda volta nian. Depois Tribunál Rekursu anúnsia hafoin ita kontinua kedas ho atualizasaun baze dadus, nune’e bele ajusta ona divizaun toritoriál foun ba munisípiu Ataúro,” nia dehan.

Bainhira prosesu hirak-ne’e ramata, STAE sei halo atendimentu normál ba munisípiu 12 inklui Rejiaun Administrativa Espesiál Oé-Cusse Ambeno (RAEOA) hodi hein preparasaun lojístika, tanba prioridade ida mak lori halo atualiza iha Ataúro ne’ebá depois bele troka sira-nia jeografika tuir lei administrativa nian.

Tanba, nia dehan, prosesu eleitorál ba Prezidente Repúblika segunda volta ne’e STAE la’o tinan kotuk nian liu-liu baze dadus hala’o iha meadu tinan 2021, tanba haree entermu nia legalidade prosesu eleitorál la’o uluk tiha antes atu halo ajustamentu ba prosesu tama ba munisípiu Ataúro nian.

Tanba ne’e prosesu kandidatura PR nian, iha ne’ebá ne’e la anota munisípiu Ataúro nian iha prosesu kontajen no sei kontinua to’o fó sai rezultadu.

Notísia Relevante: Governu nomea Domingos Soares lidera munisípiu Ataúro

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!