DILI, 22 abríl 2022 (TATOLI)—Ministériu Saúde (MS),relata kazu detetadu pozitivu na’in-tolu, rekuperadu laiha no kazu ativu 16.
“Kazu detetadu pozitivu foun na’in-tolu, rekuperadu laiha no kazu ativu 16,” hateten Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu, sesta ne’e.
Nune’e, hahú 21 marsu 2020 to’o 22 abril 2022 iha kumulativu kazu konfirmadu 22.860 no óbitu 130.
Hosi horisehik mai ohin, Laboratóriu Nasionál Saúde halo teste PCR 89, kompostu vijilánsia sentinela laiha, rastreiu ba kontaktu tolu, rastreiu aleatóriu laiha, viájen internasionál 86, follow up iha kuarentena laiha.
Alende ne’e, totál teste PCR ne’ebé halo iha 21 abríl 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 52,hanesan Maubisse laiha, Maliana laiha, Viqueque laiha, Suai 12, Baucau laiha, Ermera laiha, RAEOA laiha, HNGV 40, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 22 abríl 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,5%) no kumulativu 2ª doze iha Dili (81,5%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 72,1%.
Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.
Iha loron 22 abríl 2022, izolamentu Vera Cruz, Lahane, HNGV no fatin seluk iha territóriu laran tomak halo tratamentu hospitalizadu ba kazu detetadu pozitivu laiha no baixa ho COVID-19 laiha.
Notísia Relevante:COVID-19: kazu rekuperadu na’in-10 no ativu 13
Jornalista: Felicidade Ximenes
Editór : Florencio Miranda Ximenes
