Top

Empreza Gaerenez entrega konstrusaun armajen ba AMD

Prezidente Aautoridade Munisípiu Dili, Guilhermina F.S. Ribeiro. Imajen Tatoli/dok

DILI, 25 abril 2022 (TATOLI)—Empreza Gaernez Unipesoál, Lda, segunda ne’e, entrega konstrusaun armajen ba Autoridade Munisípiu Dili (AMD) tuir kontratu konstrusaun fulan tolu ne’ebé hahú asina iha 21 dezembru 2021.

”Ohin, empreza Gaerenez Unip. Lda entrega armajen ba Autoridade Munisípiu Dili, tanba armajen ne’e tuir kontratu fulan tolu, asina iha 21 dezembru 2021, nune’e sira husu atu entrega iha 22 abríl. Maibé iha 22 abríl ne’e, iha atividade demokrásia hodi hala’o eleisaun prezidensiál segunda volta, entaun entrega fali mai ohin,” Prezidente Autoridade Munisípiu (PAM) Dili, Guilhermina Filomena Saldanha Ribeiro “Margi” hateten ba jornalista sira, hafoin partisipa iha serimónia entrega konstrusaun armajen, iha Matadoru, Dili.

Konstrusaun armajen ne’e Autoridade Munisípiu Dili (AMD) sei utiliza ba rai arkivu tanba durante ne’e arkivu sira rai hamutuk hela tanba espasu ne’ebé iha bainhira simu lojistika tenke hatama hanesan tinta no sira seluk, entaun buat sira-ne’e hotu tenke iha nia tratamentu oin seluk.

Aleinde rai arkivu, nia dehan, armajen ne’e mós sei uza ba fatin enkontru tanba AMD nia sala reuniaun agora ne’e laiha situasaun atu akumula ema hotu maibé fatin kloot, entaun armajen ne’e sei utiliza mós ba fatin atu halo reuniaun.

Diretora Empreza Gaerenez Unipesoál, Lda, Delia Araújo de Jesus, hateten konstrusaun ne’e Empreza Gaernez halo ba uma tuan ida-ne’ebé iha tempu Indonézia nia iha ona, entaun empreza mai sobu no halo konstrusaun.

“Ami-nia konstrusaun ne’e iha fulan tolu liu uitoan, tanba tempu udan halo ami atraza servisu. Maibé, iha fulan tolu liu semana ida, ami finaliza ona konstrusaun ne’e, nune’e ohin entrega ona ba Munisípiu Dili,” nia hateten.

Entretantu, konstrusaun armajen ne’e ho durasaun fulan tolu (3) no orsamentu ne’ebé aloka ba konstrusaun ne’e hamutuk $48,438.77.

Jornalista : Nelia Fernandes

Editór      : Cancio Ximenes

Publisidade

Leave a Reply

Latest Post

error: Content is protected !!