Top

ONG Konsórsiu entrega ró ida ba SEA

Ekipa konsórsiu entrega ró-ahi ba SEA, iha Sentru Estudu Mangrove Hera, segunda (09/05). Imajen/SEA

DILI, 10 maiu 2022 (TATOLI)–Organizasaun Naun Governamentál (ONG) Konsórsiu kompostu hosi Hasatil, Amk Tl, Hatutan, Permatil inklui empreza Paratizer Unipesoal,Lda, iha semana ne’e entrega ró ida ba Sekretariu Estadu Ambiente (SEA) liuhosi Diresaun Nasionál Biodiversidade.

Tuir nota ne’ebé Agência Tatoli asesu tersa ne’e, ró ne’e hodi Departementu Jestaun Lafaek halo operasaun kaer lafaek iha área Sentru Mangrove  Hera.

Biban ne’e, Sekretáriu Estadu Ambiente, Demétrio do Amaral de Carvalho, garante katak parte responsável sei uza ró ho kuidadu hodi halo serbisu.

Serimónia entrega  ne’e simu direitamente hosi Sekretáriu Estadu Ambiente, Demétrio do Amaral de Carvalho inklui responsável ba sentru no funsionáriu SEA iha Sentru  Estudu Mangrove Hera.

Jornalista : Arminda Fonseca

Editora     : Julia Chatarina

Publisidade

Leave a Reply

Latest Post

error: Content is protected !!