DILI, 13 maiu 2022 (TATOLI)—Ministériu Saúde (MS), relata kazu óbitu ida, detetadu pozitivu laiha, rekuperadu tolu no kazu ativu na’in-11.
“Pasiente mane ho idade 39 hosi munisípiu Dili hela fatin iha suku Comoro, aldeia foment II, mate iha isolamentu Lahane iha oras 00:15, dadersan. Ho diagnostiku Respiratory Failure+ shock + covid-19 CT 21. Matebian vasina kompletu AZ,” Diretora Jerál Prestasaun Saúde Odete da Silva Viegas hateten liuhosi nota ne’ebé Agência TATOLI asesu, sesta ne’e.
Nune’e, hahú 21 marsu 2020 too 13 maiu 2022 iha kumulativu kazu konfirmadu 22.888 no óbitu 131.
Hosi horisehik mai ohin, Laboratóriu Nasionál Saúde halo teste PCR 164, kompostu vijilánsia sentinela laiha, rastreiu ba kontaktu laiha, rastreiu aleatóriu lima, viájen internasionál 159, follow up iha kuarentena laiha.
Alende ne’e, totál teste PCR ne’ebé halo iha 12 maiu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) hamutuk 53, kompostu hosi Maubisse laiha, Maliana sia, Viqueque laiha, Suai laiha, Baucau laiha, Ermera laiha, RAEOA laiha, HNGV 44, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 13 maio 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,7%) no kumulativu 2ª doze iha Dili (81,5%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 72,2%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.
Iha loron 13 maiu 2022 , izolamentu Vera-Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.
Notísia Relevante:COVID-19: kazu detetadu pozitivu na’in-rua no ativu 17
Jornalista: Felicidade Ximenes
Editór : Florencio Miranda Ximenes
