DILI, 13 maiu 2022 (TATOLI)—Governu liuhosi reuniaun Konsellu Ministru (KM) extradordinária, sesta ne’e, aprova Projetu Dekretu-lei, ne’ebé aprezenta hosi Ministru Koordenadór Asuntu Ekonómiku (MKAE), Joaquim Amaral, ne’ebé halo alterasaun datoluk ba Dekretu-Lei númeru 8/2008, loron 05 marsu, kria Institutu Nasionál Dezenvolvimentu Mão de obra (INDMO).
“Objetivu alterasaun ne’e atu aumenta servisu INDMO hodi konkretiza programa sira ne’ebé sai responsabilidade INDMO,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.
Notísia relevante: INDMO realiza konkursu nasionál aptidaun liuhosi virtuál
Nune’e, Governu konsidera importante tebes hametin institutu ne’e, liuhosi reestrutrasaun ba ninia órgaun no serbisu nian, hodi ajusta kompeténsia órgaun sira no previzaun tarefa sira ne’ebé sai responsabilidade serbisu sira.
Aleinde ne’e, hakarak mós atu armoniza atribuisaun INDMO ho Sistema Nasionál Kualifikasaun Timor-Leste (SNK-TL) no atu adekua estatutu hosi institutu públiku ne’e ba regra iha Dekretu-Lei númeru 30/2020, loron 29 jullu, kona-ba Organizasaun Administrasaun direta no indireta Estadu nian.
Jornalista : Antónia Gusmão
Edirora : Julia Chatarina
