iklan

EDUKASAUN, HEADLINE

Governu aprova alterasaun estatutu karreira dosente universitária

Governu aprova alterasaun estatutu karreira dosente universitária

Edifísiu Palasiu Governu. Imajen Tatoli/Francisco Sony

DILI, 29 juñu 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova projetu dekretu-lei, ne’ebé aprezenta hosi Ministru Ensinu Superiór, Siénsia no Kultura, Longuinhos dos Santos, ho objetivu halo alterasaun datoluk ba dekretu-lei númeru 7/2012, loron 15 fevereiru, ne’ebé aprova estatutu karreira dosente universitária. 

“Ho projetu dekretu-lei ne’e, propoin alterasaun rejime jurídiku lubun ida ba kareira dosente universitária Timor-Leste, ho hanoin atu kontinua hadi’a, maibé mantein bebeik bazeia ba prinsípiu bazilar méritu iha ezersísiu atividade dosente, ne’ebé ligadu ba investigasaun, dosiénsia no kontribuisaun ba dezenvolvimentu sosiedade,” Ministru Prezidénsia Konsellu Ministru, Fidelis Manuel Leite Magalhães, relata, hafoin ramata reuniaun ezekutivu.

Notísia relevante: KFP-MEJD disemina informasaun ba profesór iha Baucau kona-ba rejime espesiál

Entre alterasaun sira ne’ebé prevee iha dekretu-lei ne’e, destaka kriasaun ba nível foun rua iha kategoria rua ne’ebé la hanesan (B3 no C1+), ajustamentu ba kréditu sira entre kategoria B3 no C3, ne’ebé garantia katak sei konsidera kréditu sira hotu ne’ebé hetan hahú kedas omologasaun kareira nian to’o agora, diminuisaun ba númeru tinan esperiénsia ho abilitasaun nian hodi bele progride iha kareira (tinan-lima ba de’it tinan-ida) no distinsaun entre dosente kareira nian no dosente kontratu sira.

Jornalista  : Antónia Gusmão

Editora      : Julia Chatarina

iklan
iklan

Leave a Reply

iklan
error: Content is protected !!