iklan

HEADLINE, MUNISÍPIU, VIQUEQUE

KMRJD rejista uma-kain 330 afetadu dezastre naturál iha Viqueque

KMRJD rejista uma-kain 330 afetadu dezastre naturál iha Viqueque

Kondisaun hafoin inundasaun iha Viqueque. Imajen/Espesiál

VIQUEQUE, 01 jullu 2022 (TATOLI)–Komisaun Jestaun Risku Dezastre Naturál (KMRJD) munisípiu Viqueuque rekolla dadus provizóriu no rejista uma-kain 330 afetadu dezastre naturál ne’ebé akontese semana ne’e.

“Ami simu ona dadus provizóriu hosi autoridade xefe suku sira, ne’ebé daudaun iha uma-kain hamutuk 330 afetadu dezastre naturál hosi postu administrativu haat, maibé dadús sira-ne’e sei provizóriu hela, nune’e ita sei akumula hotu dadus sira mak foin distribui apoiu emerjénsia”, Sekretáriu KMRJD munisípiu Viqueuque, Juvinal S de Ressureição, informa ba Agência Tatoli, iha ninia knaar fatin, sesta ne’e.

Notísia relevante: Autoridade husu apoiu emerjénsia ba afetadu inundasaun 92 iha Uatucarbau

Iha loron kuarta (29/06) to’o kinta (30/06) dadeer akontese udan-boot iha Viqueque, iha postu haat hanesan Lacluta, Viqueque Villa, Uatulari no Uatucarbau, hodi rezulta inundasaun no afeta bee sobu komunidade nia uma

Tuir dadus provizóriu, suku Afaloikai iha postu Uatulari uma-kain afetadu hamutuk 30, no suku Uani-uma iha postu Uatucarbau iha uma-kain 92 afetadu dezastre naturál.

Enkuantu, hosi suku Maluru iha postu Viqueque vila iha uma-kain hamutuk 115 afetadu, hosi suku Uma-uain leten, aldeia rua iha área Beaço iha uma-kain 84, aldeia Mane-haat iha suku Caraubalo iha uma-kain ida no aldeia Fatuhada iha suku Uma-uain Kraik iha uma-kain rua afetadu dezastre naturál, iha suku Dilor iha postu Lacluta iha uma-kain neen.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!