DILI,12 jullu 2022 (TATOLI)—Ministériu Saúde (MS), relata kazu pozitivu foun na’in–ida, rekuperadu ida no kazu ativu 15.
“Ohin, kazu detetadu foun ida, rekuperadu ida no kazu ativu 15”, Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu ohin ne’e.
Nune’e, hahú 21 marsu 2020 to’o 12 jullu 2022 iha kumulativu kazu konfirmadu 22.972 no óbitu 133.
Hosi horisehik mai ohin, Laboratóriu Nasionál Saúde halo teste PCR 37, kompostu vijilánsia sentinela ida , rastreiu ba kontaku laiha, rastreiu aleatóriu lima, viájen internasionál 31, follow up iha kuarentena laiha.
Alende ne’e, totál teste PCR ne’ebé halo iha 11 jullu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 49, hanesan Maubisse laiha, Maliana 12, Viqueque laiha, Suai hitu, Baucau laiha Ermera laiha, RAEOA laiha, HNGV 37, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 12 jullu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,5%) no kumulativu 2ª doze iha Dili (83,8%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,9% no simu ona doze daruak 75,6%.
Hosi insidénsia COVID-19 iha Timor-Leste, durante loron hitu ikus maka 0,4/100 mil abitante,
Iha loron 12 jullu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.
Labarik 134.000 simu ona vasina
Entretantu, Labarik idade tinan 12 to’o 17 ne’ebé simu ona imunizasaun vasina Pfizer doze datoluk iha territóriu nasionál hamutuk 134.000
Timor Leste rejista labarik idade tinan 12 to’o 17 hamutuk 165.320 ne’ebé simu ona vasina doze dahuluk ho persentajen hamutuk 90,4%.
“Labarik rihun 134-resin mak simu ona doze daruak ho númeru persentajem 73%,” refere nota
Alende ne’e, Timor-Leste simu ona apoia vasinasaun kontra COVID-19 hosi COVAX facility liuhosi Austrália, Nova Zelándia, Portugál, Japaun, Xina no Estadu Unidu Amérika (EUA).
Notísia Relevante:COVID-19: kazu pozitivu na’in-tolu no ativu 12
Jornalista : Felicidade Ximenes
Editór : Florencio Miranda Ximenes
