INTERNASIONÁL

Governu TL-Portugál kontinua hametin kooperasaun iha área seguransa sosiál

Governu TL-Portugál kontinua hametin kooperasaun iha área seguransa sosiál

Ministra Solidariedade Sosiál no Inkluzaun (MSSI), Armanda Berta dos Santos, hala'o sorumutu ho Ministra do Trabalho Solidariedade e Segurança Social Portugál (MTSSS), Ana Mendes Godinho (hamriik iha kalaran). Imajen/Espesiál.

DILI, 12 jullu 2022 (TATOLI)—Vise Primeiru Ministru no Ministra Solidariedade Sosiál no Inkluzaun (MSSI), Armanda Berta dos Santos, hala’o sorumutu ho Ministra do Trabalho Solidariedade e Segurança Social Portugal (MTSSS), Ana Mendes Godinho, iha eskritóriu MTSSS Portugál atu hametin kooperasaun iha área seguransa sosiál.

“Objetivu husi sorumutu ne’e, hodi hametin liután lasu kooperasaun entre nasaun rua, liuhusi MSSI Timor-Leste ho MTSSS Portugál, liu-liu iha área seguransa sosiál no institutu Solidariedade Sosiál ne’ebé durante ne’e hetan apoiu husi Governu Portugeza,” refere komunikadu imprensa ne’ebé Agência tatoli asesu, tersa ne’e.

Aleinde ne’e, Governante husi nasaun rua ne’e mós ko’alia kona-ba planu servisu hamutuk entre ministériu rua, liu-liu iha área tékniku sira, nune’e hodi bele kria programa kooperasaun foun iha futuru.

Vise Primeiru Ministru no Ministra Solidariedade Sosiál no Inkluzaun Timor-Leste ne’e mós Konvida Ministra do Trabalho Solidariedade e Segurança Social Portugál, atu bele vizita Timor-Leste hodi asina regulamentasaun ba konvensaun ne’ebé Governu Timor-Leste no Governu Portugeza asina ona, hodi nune’e konvensaun refere bele implementa.

Notísia Relevante: TL-Portugal Asina Akordu Kooperasaun Kona-ba Konsolidasaun S3

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!