DILI, 13 jullu 2022 (TATOLI)—Ministériu Saúde (MS), relata kazu pozitivu foun na’in-rua, rekuperadu ida no kazu ativu 16.
“Ohin kazu detetadu foun rua, rekuperadu ida no kazu ativu na’in-16”, Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu, kuarta ne’e.
Nune’e, hahú 21 marsu 2020 to’o 13 jullu 2022 iha kumulativu kazu konfirmadu 22.974 no óbitu 133.
Hosi horisehik mai ohin, Laboratóriu Nasionál Saúde halo teste PCR 39, kompostu vijilánsia sentinela laiha, rastreiu ba kontaku la iha, rastreiu aleatóriu tolu, viájen internasionál 36, follow up iha kuarentena laiha.
Alende ne’e, totál teste PCR ne’ebé halo iha 12 jullu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 42, hanesan Maubisse la iha, Maliana 12, Viqueque la iha , Suai hitu, Baucau laiha Ermera laiha , RAEOA laiha, HNGV 30, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 13 jullu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,5%) no kumulativu 2ª doze iha Dili (83,8%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 87,0% no simu ona doze daruak 75,6%.
Hosi insidénsia COVID-19 iha Timor-Leste, durante loron hitu ikus maka 0,4/100 mil abitante.
Iha loron 13 jullu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no baixa ho COVID-19 laiha.
Notísia Relevante:COVID-19: kazu pozitivu na’in-ida no ativu 15
Jornalista: Felicidade Ximenes
Editór : Florencio Miranda Ximenes
