iklan

NASIONÁL, HEADLINE, POLÍTIKA

Governu no KOICA sei selebra akordu projetu YEES

Governu no KOICA sei selebra akordu projetu YEES

Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony

DILI, 13 jullu 2022 (TATOLI)–Governu Timor-Leste sei selebra akordu ho Ajénsia Kooperasaun Internasionál Koreanu (KOICA) hodi implementa projetu Youth Employment and Entrepreneurship Skills (YEES) ka kompeténsia empreendedorizmu no empregu ba juventude.

Tanba ne’e maka, Governu liuhosi reuniaun Konsellu Ministru (KM) autoriza ona Ministru Finansa (MF), Rui Augusto Gomes hodi asina akordu refere.

“Tuir memorandu Repúblika Koreia sei realiza kontribuisaun finanseira millaun $6,2 hodi finansia dezenvolvimentu joven sira iha obstensaun abilidade, kompeténsia no koñesimentu ba empregadu, oferese serbisu disponível sira hodi fornese apoia lojístiku iha aumentu empregabilidade no ajuda joven sira hodi hahú no haluan sira-nia negósiu sira,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kinta ne’e.

Notísia relevante: MTKI no UNDP sei implementa projetu YEES iha juñu 2022

Projetu ne’e ninia durasaun tinan-neen, hosi tinan 2022 to’o 2027 no sei implementa iha munisípiu haat hanesan Dili, Baucau, Ermera no Liquiçá.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!