iklan

EDUKASAUN, HEADLINE

MESSK hapara ona inzensaun propina ba estudante universitáriu

MESSK hapara ona inzensaun propina ba estudante universitáriu

Edifísiu sentrál Univesidade Nasionál Timor-Lorosa'e. Imajen Tatoli/Francisco Sony

DILI, 13 jullu 2022 (TATOLI)–VIII Governu Konstitusionál liuhosi Ministériu Ensinu Superiór Siénsia no Kultura (MESSK), Longuinhos dos Santos, deklara hapara ona transferénsia fundu programa inzensaun propina ba Instituisaun Ensinu Superior Públiku no Privadu 18.

“Kona-ba pagamentu propina ba estudante sira iha Instituisaun Ensinu Superiór Públiku no Privadu 18, ita la kontinua ona tanba dekretu-lei ne’e atu fó dalan ba ita foti fundu COVID-19 ne’e la prevee ona kona-ba asuntu propina,” Ministru informa iha Palásiu Governu, kuarta ne’e.

Programa ne’e realiza iha ámbitu situasaun COVID-19, maibé bainhira Governu deklara livre hosi situasaun ne’e, maka laiha ona kontinuasaun programa.

Notísia relevante: Inspesaun Jerál MESSK nota inzensaun propina estudante 66.106 la’o di’ak

MESSK halo transferénsia fundu inzensaun propina ba IESPP 18 ne’ebé eziste, ba faze dahuluk iha alokasaun ho montante $5.627.537,50 ba totál estudante 64.589.

Durante ezekusaun, iha estudante 46.678 de’it maka hetan direitu ba pagamentu inzensaun propina ho fundu $4.012.015,50, enkuantu estudante 17.911 lakon direitu no osan $1.615.522 filafali ba kofre Estadu.

Hosi pagamentu faze daruak nian, Inspetór Jerál MESSK, Higino Alves, relata katak Governu halo mós transferénsia fundu ho totál $5.428.394 ba IESPP 18 hodi halo pagamentu ba estudante 66.106, maibé provizóriamente IESPP sia mak foin submete relatóriu ezekusaun ikus, enkuantu falta IESPP sia maka seidauk submete.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!