iklan

EKONOMIA, HEADLINE

MTKI sei asina akordu rua ho Governu Indonézia

MTKI sei asina akordu rua ho Governu Indonézia

Vise Primeiru-Ministru no Ministru ba Planu no Ordenamentu, José Maria dos Reis, prezide reuniaun Konsellu Ministru, iha Palásiu Governu, kuarta (13/07). Imajen Tatoli/Francisco Sony

DILI, 13 jullu 2022 (TATOLI)–Ministru Turizmu, Komérsiu no Indústria (MTKI), José Lucas do Carmo da Silva, sei selebra akordu ho Governu Indonézia iha ámbitu akompaña Prezidente Repúblika (PR), José Ramos Horta, hala’o vizita Estadu ba Indonézia, iha loron 18 jullu 2022.

“Ministru Turizmu, Komérsiu no Indústria, José Lucas do Carmo da Silva, simu autorizasaun hosi Konsellu Ministru hodi asina memorandu entendimentu rua ho Governu Indonézia, ida iha área komérsiu no ida seluk kona-ba padronizasaun, avaliasaun konformidade no metrolojia,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu.

Notísia relevante: Pelican Paradise aprezenta dezeñu projetu Dili Sidade Istóriku ba MTKI

Iha Biban hanesan, Konsellu Ministru mós autoriza Ministru Agrikultura no Peska (MAP), Pedro dos Reis, hodi asina akordu kooperasaun agríkola ho Ministériu Agrikultura no Peska Indonézia nian.

Akordu ne’e ho objetivu atu haluan kuadru ezistente kooperasaun bilaterál setór agríkola inklui área téknika no sientifika sira.

Jornalista   : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!