iklan

EKONOMIA, HEADLINE

Governu estabelese rejime jurídiku Parseria Públiku Privada ba servisu diagnóstiku

Governu estabelese rejime jurídiku Parseria Públiku Privada ba servisu diagnóstiku

Atividade deskargamentu ekipamentu suporta atividade movimentu kontentór iha Portu Tibar, ne’ebé hanesan projetu Parseria Públiku Privada, segunda (16/05). Imajen Tatoli/António Daciparu

DILI, 27 jullu 2022 (TATOLI)–Governu liuhosi reuniaun Konsellu Ministru (KM), aprova projetu dekretu-lei, ho objetivu atu estabelese Rejime Jurídiku Parseria Públiku Privada (PPP) servisu diagnóstiku nian.

Dekretu-Lei ne’e aprezenta hosi Ministru Finansa (MF), Rui Augusto Gomes no Ministra Saúde (MS), Odete Maria Freitas Belo.

“Projetu dekretu-lei daudaun ne’e hakarak atu estabelese kuadru jurídiku ne’ebé espesiál hodi aplika ba akordu PPP nian relativu ho servisu diagnóstiku laboratoriál no liuhosi imajen, ne’ebé define rejime ida ne’ebé fleksivel liu no adekuadu ba kolaborasaun parseiru privadu ida iha prestasaun servisu públiku nian sira, hodi haree mekanizmu sira ne’ebé asegura sustentabilidade, alokasaun risku, operasionalidade no kualidade servisu ne’ebé fó ba populasaun,” Ministru Prezidénsia Konsellu Ministru, Fidelis Manuel Leite Magalhães, relata, hafoin reuniaun ezekutivu, iha Palásiu Governu, kuarta ne’e.

Notísia relevante: PM Lansa Ona Konstrusaun Projetu PPP Portu Tibar

Nune’e, bele estabelese kuadru jurídiku ne’ebé klaru, justu, previzivel no estável ne’ebé permite atu estimula no atrai investimentu privadu no hodi garante prestasaun servisu públiku diagnóstiku laboratoriál no liuhosi imajen.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!