DILI

Konstrusaun ponte provizóriu Becusse atinji ona 80% 

Konstrusaun ponte provizóriu Becusse atinji ona 80% 

Ponte provizóriu Becusse. Imajen Tatoli/José Belarmino de Sá

DILI, 03 agostu 2022 (TATOLI)-Konstrusaun Ponte provizóriu Becusse atinji ona 80% nune’e sei fasilita movimentasaun transporte públiku no sirkulasaun ema nian, iha tempu besik, Diretór kompañia ASPALINK, I Jin Filipe relata.

“Ami mak responsibliza hodi kontrui ponte temporária iha Becusse. Maibé, materiál ponte nian, Governu nian,’’ Diretór kompañia ASPALINK, I Jin Filipe informa ba Agência Tatoli iha nia knaar fatin, Bemori, tersa ne’e.

Ezekutivu ne’e mós informa katak kompañia simu ona orientasaun hodi sobu ponte mota masin iha Suai, munisípiu Covalima.

Materiál konstrusaun husi ponte masin ne’e ho nia todan hamutuk tonelada 50. Material ponte ne’e hotu transporta ona mai Dili, hodi monta provizóriu iha Becusse, hodi asegura komunidade bele ultrapasa.  “Ami transporta ona material ponte hamutuk tonelada 50 husi Mota Masin Suai mai iha Dili”.

Maibé, tuir nia, medida ponte provizóriu Becusse atinji de’it maizmenus metru 20.  Ponte Provizóriu ne’e sei asegura komunidade no transporta públiku bele untrapasa, durante konstrusaun ponte permanente.

To’o oras ne’e, Ministériu Obras públiku sidauk ofisialmente anunsia rezultadu konkursu públiku hodi informa kompañia ida ne’ebe mak manan ba konstrusaun ponte Becusse.

Kompañia ASPALINK fó apoiu de’it hodi monta ponte temporáriu, no mós atu sobu janela ponte permanente nian, hodi asegura bainhira udan bele la’o ho normál.

MOP disponibiliza ona orsamentu ho montante hamutuk 90.000 USD ba konstrusaun projetu Ponte provizóriu iha Becusse.

Entretantu, Kompañia ASPALINK nu’udar kompañia konstrusaun estrada no ponte ne’ebé na’in husi mós kompañia JONIJE.

Ponte Becusse hetan estragu husi udan bot akontese iha loron 4 abril 2021.

Notísia relevante:DEPC: Udan afeta ponte iha munisípiu lima, Becusse faze konkursu

 Jornalista: José Belarmino de Sá

Editór: Rafy Belo

iklan
iklan

Leave a Reply

iklan
error: Content is protected !!