Top

Komunidade Drag Bike sei selebra loron FALINTIL-Konsulta Populár ho “drag bike”

Drag Bike. Imajen/Espesiál.

DILI, 10 agostu 2022 (TATOLI)—Portavós Komisaun Organizadora Speed Racing Team (SRT), David Porfírio do Rosário da Silva, informa komunidade Drag Bike Timor-Leste hamutuk ho Federasaun Siklizmu Timor-Leste sei realiza eventu drag bike hodi selebra loron FALINTIL 20 ba dala-47 no loron Konsulta Populár ba dala-23.

Notísia Relevante: Governu aloka rihun $100 komemora loron Konsulta Populár ba dala-XXIII 

“Ami hosi drag bike hamutuk ho federasaun motor siklizmu Timor-Leste informa ba Prezidente Repúblika atividade motor bike nian hodi komemora loron FALINTIL 20 agostu no loron konsulta populár 30 agostu,” David Porfírio do Rosário da Silva hateten ba jornalista sira hafoin ramata hasoru malu ho Prezidente Repúblika, José Ramos Horta, iha Palásiu Prezidensiál Nicolau Lobato, Bairru Pite, Dili, kuarta ne’e.

Tuir ajenda, nia informa, atividade refere sei realiza iha loron 03-04 setembru tinan ne’e iha Kristu Rei, Fatukama, Dili. Ba eventu ne’e, komisaun organizadora sei loke rejistrasaun ba partisipante sira hahú iha loron 29 agostu to’o 02 setembru 2022.

Tanba ne’e, ba joven sira hotu ne’ebé iha talentu no iha kreatividade ba drag bike bele bele rejista hodi partisipa no harame loron FALINTIL no Konsulta Populár refere.

“Objetivu hosi kompetisaun drag bike atu dada joven sira hosi hanoin sira-ne’ebé nakonu ho konflitu hodi promove talentu no pás iha Timor-Leste. Eventu ne’e halibur joven sira hodi haluha konflitu no buat hahalok ne’ebé hafahe joven sira,” nia dehan.

Iha eventu drag bike ne’e, partisipante sira hodi nasaun viziñu Indonézia liu-liu hosi provinsia Nusa Tengara Timur (NTT) hodi hamutuk hametin amizade liuhosi atividade desportiva refere.

Durante sorumutu, Xefe Estadu fó apoiu tebes eventu refere tanba sei halibur joven sira-ne’ebé iha talentu ba drag bike.

Jornalista : Nelson de Sousa

Editór     : Cancio Ximenes

Publisidade

Leave a Reply

Latest Post

error: Content is protected !!