KAPITÁL, NASIONÁL

AMD realiza enkontru konsellu konsultivu relata progresu servisu

AMD realiza enkontru konsellu konsultivu relata progresu servisu

Prezidente Aautoridade Munisípiu Dili, Guilhermina Ribeiro. Imajen Tatoli/Francisco Sony

DILI, 17 agostu 2022 (TATALI)—Governu liuhosi Autoridade Munisipiu Dili (AMD), kuarta ne’e, realiza enkontru konsellu konsultivu entre Diretór Dirasaun ho Prezidente Autoridade Munisipiu Dili, Guilhermina Filomena Saldanha Ribeiro, hodí relata progresu servisu ne’ebé durante ne’e Dirasaun halo.

“Atividade ne’e, enkontru rutina ne’ebé mák fulan-fulan tenke iha duni enkontru konsellu konsultivu nian, atu ida-idak mai relata atividade saida mak sira halo, hanesan sira-nia susesu iha ne’ebé, sira-nia desáfiu no rekomendasaun, atu hot-hotu bele hatene preukupasaun saida mak Dirasaun sira hasoru,” Prezidente Autoridade Munisipiu Dili, Guilhermina Filomena Saldanha Ribeiro, informa ba Ajénsia Tatoli, iha kaikoli, Dili, kuarta ne’e.

Tuir nia, enkontru ida-ne’e mós atu fó biban ba sira, oinsá DiretÓr hotu presiza inteira mós servisu sira seluk nian.

“Tanba, ita hakarak buat ida kaderizasaun, entaun ohin iha ne’e nia halo apreendsaun ba ida-ne’e no aban iha fatin seluk, se lae Dirasaun sira liga liu ho asuntu ne’ebé ema tékniku duni. Hosi ne’e, atu haree mós asuntu balun mák haree, ida ne’e Diretores sira-nia kompetensia mák la konsege deside ka ida ne’e kompetensia Prezidente Autoridade nian, depois ami jere informasaun no buka solusaun ba asuntu balun,” nia dehan.

Ho enkontru ne’e, ezultadu aprezentasaun hosi kada Diretor iha Dirasaun sira di’ak, maske sira hasoru difikuldade barak maibé konsege últrapasa servisu maske sira-nia obstakulu ida mák rekursu minimu.

“Tanba, hosi estrutura balun ami foin prenxe tanba rekursu mínimu. Tanba, rekursu pesoál no fatin limitadu, entaun la hala’o servisu ho di’ak nune’e mezmu sira la to’o, durante ne’e ha’u haree kedas asuntu ida-ne’e mák sira hasoru,” nia informa.

Hosi difikuldade ne’e, Prezidente Autoridade Munisipiu Dili fó motivasaun ba Diretór sira katak la’os problema fatin ho ambiente ne’ebé mák iha atu halo servisu di’ak maibé inisiativa no husu ba sira atu hatudu dezempeñu no rezultadu ida-ne’ebé di’ak, tanba fatin la’os obstakulu maibé importante mak inisiativa halo koordenasaun no kooperasaun atu bele hatudu rezultadu di’ak.

“Ha’u hakarak hato’o ba sira katak labele fotí lai fatin hanesan dezafiu ida, maibé ida-ne’e tenké hasoru atu bele hatudu ita-nia dezempenu servisu di’ak,” nia esplika.

Jornalista : Nelia Fernandes

Editór      : Cancio Ximenes

iklan
iklan

Leave a Reply

iklan
error: Content is protected !!