iklan

COVID-19, HEADLINE, SAÚDE

COVID-19: kazu detetadu pozitivu na’in-sia no ativu 58

COVID-19: kazu detetadu pozitivu na’in-sia no ativu 58

Pesoál Saúde sira prepara hela vasina ne’ebé organiza hosi Madre no Mestra sira , tersa 10/5/2022. Imajen Tatoli/Antonio Daciparu

DILI,16 agostu 2022  (TATOLI)— Ministériu Saúde (MS) relata, kazu detetadu pozitivu foun na’in-sia, rekuperadu rua, no kazu ativu 58.

“Ohin, kazu detatadu foun sia, rekuperadu rua no ativu 58,” Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu, tersa ne’e.

Nune’e, hahú 21 marsu 2020 to’o 16 agostu   2022  iha kumulativu kazu konfirmadu 2.3095 no óbitu 135.

Hosi horisehik mai ohin, Laboratóriu Nasionál Saúde halo teste PCR 64, kompostu vijilánsia sentinela laiha, rastreiu ba kontaku neen, rastreiu aleatóriu 10, viájen internasionál 48, follow up iha kuarentena laiha.

Alende ne’e, totál teste PCR ne’ebé halo iha 15 agostu 2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 61, hanesan Maubisse la iha,  maliana  sia, Viqueque laiha, Suai 14,  Baucau laiha, Ermera laiha , RAEOA  laiha, HNGV 38,  Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 16 agostu  2022 , tuir sistema informasaun Saúde iha Ministériu Saúde, hanesan kumulativu 1ª doze iha Dili (89,1%)  no kumulativu 2ª doze iha Dili (85,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 87,5% no simu ona doze daruak 76,8%.

Hosi insidénsia COVID-19 iha Timor-Leste, durante loron hitu ikus maka 1,5/100 mil abitante.

Iha loron  16 agostu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu rua no baixa ho COVID-19 rua.

Notísia Relevante:COVID-19: kazu detetadu pozitivu na’in-tolu no ativu 51

Jornalista: Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!