Top

Susar asesu dalan, veteranu 20-24 balun seidauk konstrui uma

Komunidade lokál no veteranu sira partisipa iha komemorasaun restaurasaun independénsia ba da-XX, iha suku Afaloikai, sesta (20/05). Imajen Tatoli/Vitorino Lopes da Costa'

DILI, 17 agostu 2022 (TATOLI)—Prezidente Konsellu Kombatente Libertasaun Nasionál (CCLN-sigla portugés), Vidal de Jesus ‘Riak Leman’, informa veteranu 20-24 balun seidauk konstrui uma tanba susar asesu dalan hodi transporta materiál konstrusaun ba sira-nia moris fatin.

Notísia Relevante: Konstrusaun uma veteranu 20-24 seidauk finaliza tanba foin konklui uma hitu

“Osan $40.000 ba kada veteranu atribui hotu ona mak uma seidauk halo ne’e la’ós Estadu no Governu nia problema, ne’e sira-nia problema. Maibé aban bainrua labele reklama dehan la fó osan, ne’e sala no ladi’ak,” Riak Leman hateten ba Agência Tatoli, ilha nia knaar fatin Comoro, Dili.

Prezidente ne’e haktuir, tanba osan fó hotu ona ba ema na’in-96 ho nian osan kada ema ida-nian hamutuk $40.000 hodi konstrui uma atu hela.

“Ha’u hanoin iha veretenu lubuk ida mak finaliza ona maibé iha balun to’o agora seidauk hahú. Maibé iha informasaun katak veteranu balun rai laiha, no seluk fali labele asesu ba dalan hodi tula materiál konstrusaun nian, entaun to’o agora seidauk bele konstrui hotu,” Riak Leman hateten.

Estadu Timor-Leste iha responsabilidade atu konstrui uma adekuadu hodi trata veteranu nia moris ho dignu molok sira mate.

“Ami haree importante duni atu Governu konstrui uma adekuadu ba veteranu sira tanba hafoin funu, ita-nia gerilleiru sira tun hosi foho no balun uma laiha no rai laiha, ne’ebé loro-loron ba halo to’os no haree animál haki’ak hodi sustenta sira-nia moris,” nia dehan.

Notísia Relevante: MAKLN seidauk bele halo fiskalizasaun ba konstrusaun uma veteranu 20-24

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!