iklan

EDUKASAUN, HEADLINE

Mary MacKillop sei implementa mobile movel ba eskola 12 iha Liquiçá

Mary MacKillop sei implementa mobile movel ba eskola 12 iha Liquiçá

Ilustrasaun mobile movel iha eskola. Imajen/Espesiál

DILI, 19 agostu 2022 (TATOLI)–Parseiru dezenvolvimentu Ministériu Edukasaun Juventude no Desportu (MEJD), Mary MacKillop sei realiza planu atividade implementasaun projetu aprendizajen mobile movel ba eskola 12, ne’ebé selesionadu ona iha munisípiu Liquiçá no sei hahú iha tinan ne’e to’o tinan 2023.

“Objetivu prinsipál hosi enkontru ne’e atu tau hamutuk hanoin no rekomendasaun hodi bele hadi’a kualidade implementasaun projetu sentru aprendizajen mobile movel durante tinan fiskál 2022 to’o 2023 iha munisípiu Liquiçá,” Diretór Nasionál Mary MacKillop iha Timor-Leste, Alipio Baltazár, hateten, liuhosi nota ne’ebé Agência Tatoli asesu, sesta ne’e.

Notísia relevante: Mary Mackillop Today Entrega Pakote Materiál Saúde ba Suku Bazartete

Planu atividade ne’e rasik hahú realiza ona liuhosi enkontru ho parte interesada sira iha edifísiu administrasaun munisípiu Liquiçá hodi introdús meta no objetivu inklui planu atividade ba implementasaun projetu sentru aprendizajen mobile movel ba tinan fiskál foun.

Tuir Baltazár, projetu ne’e sei implementa atu nune’e bele hakle’an formasaun ba manorin inan-aman no estudante sira inklui oferese livru istória ba labarik no eskola sira.

Hosi planu implementasaun projetu ne’e rasik Mary MacKillop rona direita opiniaun no rekomendasaun sira hosi parte interesada sira ne’ebé envolve MEJD nível nasionál no munisípiu inklui Instituto Nacional de Formação de Docentes e Profissionais da Educação (INFORDEPE) nível nasionál inklui Diresaun Jerál inspetoria MEJD.

“Ho enkontru ida-ne’e, fiar katak Mary MacKillop sei atinje rezultadu di’ak iha implementasaun projetu sentru aprendizajen movel iha munisípiu Liquiçá,” nia tenik.

Projetu sentru aprendizajen movel ne’ebé implementa iha munisípiu Liquiçá hetan suporta hosi Child Fund no Governu Australia liuhosi Department of Foreign Affairs and Trade (DFAT).

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!