PSHT Madium Indonézia agradese ba governu TL reativa atividade GAM
BOBONARO, 21 agostu 2022 (TATOLI)- Ketua Dewan Pusat Persaudaraan Setia Hati Terate (PSHT) Madium, Repúblika IndonézIa, Hazi Isso Biantoro, sente orgullu no agradese ba Governu Timor-Leste ne’ebé mak halo ona esforsu hodi reativa hikas atividade formasaun Grupu Arte Marsiál (GAM) iha tinan 2022.
Nia hato’o agradesimentu ne’e iha ambitu serimonia graduasaun sintu sékulu dahuluk ba membru Organizasaun PSHT hamutuk na’in-974 iha Jinaziu Maliana, munisípiu Bobonaro, domingu ne’e.
Notísia relevante: SEJD husu membru PSHT foun iha Bobonaro hatudu imajen di’ak ba sosiedade
“Iha opurtunidade ida-ne’e, ha’u hato’o obrigadu barak no fo apresiasaun ba Governu Timor-Leste ne’ebe reativa hikas atividade PSHT iha nasaun Timor-Leste,” nia hateten iha intervensaun
Biban ne’e Hazi Biantoro husu deskulpa ba governu, Liuliu ba povu Timor-Leste tanba durante ne’ebe membru PSHT sira hatudu hahalok balun ladi’ak iha sosiedade nia leet no hakat ilegal fronteira ba partisipa graduasaun sa’e sintu iha Indonezia.
Nia enkoraja membru PSHT hotu iha territóriu nasional atu asegura, prezerva no promove pás ho estabilidade hamutuk ho komunidade hotu .
“Ba kandidatu SH Terrate ne’ebe mak ofisialmente ohin sai ona warga SH Terate nu’udar opournidade osan ba sosiedade, ba familia, ba relijiaun no ba nasaun,” nia apela.
Notísia relevante: Kandidatu membru PSHT 1.057 hosi Bobonaro sei gradua iha tinan ne’e
Jornalista: Sérgio da Cruz
Editór: Evaristo Soares Martins
