DILI,25 agostu 2022 (TATOLI)— Ministériu Saúde (MS), relata kazu óbitu ida, pozitivu foun haat, rekuperadu tolu no kazu ativu 48.
“Ohin, kazu óbitu mak mane ida ho idade 64 husi munisípiu liquica. Mai hala’o tratamentu iha HNGV no halo teste PCR ho rezultadyu pozitivu COVID-19. Nune’e transfere ba iha izolamentu Vera-Kruz , iha loron 21 agostu 2022 ho diagnostiku falhu multi organu tromboembolismu pulmonar ho COVID-19. Matebian Vasina kompletu ho tipu AstraZeneca booster no CT: 19,” refere nota ne’ebe Agencia TATOLI asesu, kinta ne’e.
Nune’e, hahú 21 marsu 2020 to’o 25 agostu 2022 iha kumulativu kazu konfirmadu 2.3144 no óbitu 136.
Hosi horisehik mai ohin, Laboratóriu Nasionál Saúde halo teste PCR 18 kompostu vijilánsia sentinela ida, rastreiu ba kontaku sia, rastreiu aleatóriu tolu, viájen internasionál lima no follow up iha kuarentena laiha.
Alende ne’e, totál teste PCR ne’ebé halo iha 24 agostu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 50, hanesan Maubisse laiha, Maliana 14 , Viqueque laiha , Suai haat, Baucau laiha, Ermera laiha, RAEOA laiha, HNGV 32, Lautém laiha, Vera-Cruz laiha no Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 25 agostu 2022 , tuir sistema informasaun Saúde iha Ministériu Saúde, hanesan kumulativu 1ª doze iha Dili (89,2%) no kumulativu 2ª doze iha Dili (85,4%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste ho 87,6% no simu ona doze daruak 77,1%.
Hosi insidénsia COVID-19 iha Timor-Leste, durante loron hitu ikus maka 1,5/100 mil abitante.
Iha loron 25 agostu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu lima, baixa ho COVID-19 lima.
Notísia Relevante:COVID-19: kazu detetadu pozitivu na’in-neen no ativu 48
Jornalista: Felicidade Ximenes
Editór : Florencio Miranda Ximenes
