iklan

BOBONARO, HEADLINE, MUNISÍPIU, POLÍTIKA

DMCSRN sei prodús BI ba abitante Lolotoe

DMCSRN sei prodús BI ba abitante Lolotoe

Koordenadór Forsa Tarefa Prevensaun no Mitigasaun surtu Covid-19 Munisípiu Bobonaro, Ernesto de Oliveira Barreto. Imajen Tatoli/Sérgio da Cruz.

BOBONARO,02 setembru 2022 (TATOLI) – Prezidente Autoridade Munisípiu (PAM) Bobonaro (AMB), Ernesto  de Oliveira Barreto, orienta ekipa Diresaun Munisipál Konservatóriu  Servisu Rejistu Notariadu (DMCSRN, sigla portugés) atu halo atendimentu hodi prodús Billete Identidade (BI) ba abitante sira iha postu  administrativu Lolotoe.

Prezidente Autoridade Bobonaro ke’e haktuir, durante ne’e ekipa DMCSRN la konsege halo atendimentu ba komunidade sira iha postu administrativu tanba kestaun laiha orsamentu no laiha transporte operasionál.

Notísia relevante: Notariadu Bobonaro atende pasaporte 20 kada loron

“Tempu badak sira sei tún ba postu sira hili uluk mak Lolotoe tanba suku sira iha-ne’ebá tempu udan susar tebes atu asesus transporte, ne’ebé tinan ida-ne’e komunidade hotu tenke asesu Billete Identidade,” nia hateten iha salaun STAE Bobonaro, sesta ne’e.

Nia dehan, hafoin Lolotoe sei aranka ba Bobonaro, Cailaco no postu administrativu Atabae.

“Ha’u fó ona apoia kareta rua atu tula sira ba Lolotoe, tanba iha serbisu barak mak presiza hala’o,” nia katak.

Xefe suku Guda, postu administrativu Lolotoe, Caetano Francisco, sente kontente rona informasaun ne’e no espera katak planu ne’e bele realiza hodi fasilita komunidade hotu asesu Billete Identidade.

“Ami-nia komunidade sira durante ne’e la’ós dehan la asesu, maibé sira-nia difikuldade atu ba trata mak tanba distánsia dook, balu transporte laiha no balu mós kondisaun saúde atu mai munisípiu ne’e mak susar loos,” nia informa.

“Ami rekomenda katak presiza aselera programa ida-ne’e iha tempu bailoron ne’e, sé lae tempu udan bele difikulta ita-nia tékniku sira halo serbisu tama sai suku no aldeia,” Farnsisco Sujere

Postu administrativu iha aldeia 20, suku hitu mak hanesan; Gildapil, Guda, Deu-det, Lontas, Lebos, Opa no Lupal ho totál populasaun 8.706, ho xefe família 2.006 no área luan 211,86 km².

Notísia relevante: Impressora fargo iha DMCRSN Bobonaro kontinua avaria

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!