iklan

NASIONÁL, INTERNASIONÁL, DILI

Kardeál Timor-Leste lori Estadu nia kualidade iha internasionál no Vatikanu

Kardeál Timor-Leste lori Estadu nia kualidade iha internasionál no Vatikanu

Arsebispu Arkidioseze Metropolitana Dili, Don Virgílio do Carmo da Silva, SDB, kaer liman ho Papa Francisco iha Vatikanu. Imajen/Espesial.

Dili, 02 Setembru 2022 (TATOLI)—Ministru Prezidénsia Konsellu Ministru, Fidelis Leite Magalhaes, hateten ohin loron Eminénsia Kardeal Timor-Leste, Don Virgílio dó Carmo da Silva, sei lori Estadu nia kualidade iha internasionál no Vatikanu.

 Notísia Relevante: Papa Fransisco husu Kardeál foun sai roman ba sarani tomak Maromak nian

“Kardeál Don Virgilio do Carmo da Silva sei lori kualidade Estadu no Igreja Katólika nian ba mundu internasionál. Tanba ne’e, nia husu ba ema hotu atu halo orasaun hodi husu saúde kardeál ne’e nian atu serví sarani Katólika no sai hanesan bibi-atan di’ak ba timoroan hotu,” Fidelis Leite Magalhaes hateten ba jornalista sira iha Palásiu Governu, sesta ne’e.

Fidelis Leite hatutan, Estadu Timor-Leste liuhosi enviadu espesiál Xefe Estadu Xanana Gusmao nian, reprezentante sira no deputadu sira kontinua aprezenta nafatin pedidu vizita Papa Francisco nian mai Timor-Leste.

“Ami hato’o ami-nia hakarak nu’udar ema kristaun no Estadu atu konvida aman Santu bainhira nia vizita iha tinan oin. Amu-Papa sempre prontu, maibé nu’udar lider katóliku, nia iha problema barak atu rezolve. Maibé, nu’udar aman Santu iha serbisu barak kona-ba fiar kristaun no ulun ba Governu Vatikanu. Tanba ne’e, deslokasaun ne’e situasaun ida-ne’ebé kompleksu depende ba nasaun sira seluk, hanesan fatór rejionál, globál, kontestu hosi inan-aman no sira seluk nia fiar,” nia hateten.

Na’i-ulun ne’e fó-hanoin mós katak Papa iha programa atu vizita Estadu Timor, maibé ho prezensa hosi moras COVID-19 foun no funu entre Ukrania no Rúsia muda Papa nia intensaun ba problema sira seluk.

Notísia Relevante: Kardeál Virgílio: “Ksolok ne’e la’ós ba ha’u maibé ba igreja no povu TL”

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!