Grupu muzikál sei anima komunidade ho múzika espirituál iha Tasi-tolu
DILI, 06 setembru 2022 (TATOLI)— Prezidente komisaun organizadora ba eventu simu kardeál foun no atuál komisaun Conferência Episcopal Timorense (CET), Padre Guilhermino da Silva, informa, grupu muzikál timor-oan sei anima komunidade ho múzika esperituál no seluk tan, iha ámbitu misa agradesimentu no resesaun kardeál foun, tersa ne’e iha Tasi-tolu.
Tuir ajenda hosi komisaun organizadora, konsertu múzika ne’e sei realiza hafoin jantár konfraternizasaun, hahú tuku 19:00 to’o ramata.
“Hafoin misam iha jantar konfraternizasaun no ikus mai sei iha mós konsertu múzikál esperituál ka iha animasaun esperituál ne’ebé sei la’o durante orás rua ka tolu nia laran,” Padre Guilhermino da Silva, hateten ba Agência Tatoli, iha Tasi-tolu, tersa ne’e.
Notísia relevante: Kongregasaun 56 sei partisipa iha misa agradesimentu kardeál foun
Grupu muzikál sira ne’ebé sei anima komunidade ho múzika esperituál iha dili laran mak hanesan Lulik ba Dame, Run Batar Accoustic, Hammamia Band, Amizade Band, 5 do Oriente, Alcatraz, Ruku Band ft Macar Pro no Fitun Naroman.
“Iha konsertu ne’e banda sira sei anima ho múzika esperituál, la kanta ho múzika pop no sira seluk,” nia akresenta.
Aleinde grupu mizikál, iha mós artista timor-oan no grupu dansa kulturál ne’ebé sei anima mós komunidade.
Grupu muzikál no artista timor-oan ne’ebé sei anima múzika esperituál iha tuku 19:05 to’o 19:15 sei iha dansa tradisionál hosi Timor Furak, iha tuku 19:15 to’o 19:45 sei iha aprezentasaun akustik hosi Run Batar Accoustic, iha tuku 19:45 to’o 19:50 sei iha múzika Ha’u mak ne’e ne’ebé sei kanta hosi artista Marvi, iha tuku 19:50 to’o 20:05 sei iha múzika Feto Bele no Hurts so bad hosi Mammamia band, tuku iha 20:05 to’o 20:25 sei iha múzika Hanesan Zakeu no Milagroso hosi Amizade Band no mós iha múzika Buka fali seluk hosi artista Deometrio.
Iha tuku 20:25 to’o 20.:40 sei iha múzika Hadomi Timor no Hananu Kultura Helele ho Timor Unidade hosi 5 do Oriente, iha 20:40 to’o 20:55 sei iha múzika rua hosi Alcatraz, iha tuku 20:55 to’o 21:10 sei iha múzika hosi Nain Feto Aitara, Sweet Jesus, Doben furak, hau sei hein o hosi Ruku Band ft Macar Pro, iha tuku 21:10 to’o 21:15 sei iha múzika O rai timor hosi artista Gerson Oliveira, iha tuku 21:15 to’o 21:20 sei iha segmentu espirituál hosi Bepi no Ans Neves.
Iha tuku 21:20 to’o 21:30 sei iha dansa How Great is Our God hosi Timor Furak, iha tuku 21:30 to’o 21:45 sei iha múzika Santa Maria ho Ha’u Riko hosi Fitun Naroman, iha tuku 21:45 to’o 21:50 sei iha múzika Matawen sai orasaun hosi Cyana Verdiál no iha tuku 21:50 to’o 22:30 sei iha múzika Holy, Open the eyes of my heart lord, Ha’u isin mate, Goodnees of god, Bersyukurlah no The blessings hosi Phoenix project ft Marvi no Bepi no mós iha tuku 22:30 to’o 22:55 sei iha múzika haat hosi Lulik ba dame no Frater Maloa.
Jornalista : Nelia Fernandes
Editora : Julia Chatarina
