iklan

DILI

Prosesu nomeasaun administradór Loré-Hatulia B sei konklui iha setembru ne’e

Prosesu nomeasaun administradór Loré-Hatulia B sei konklui iha setembru ne’e

Ministru Administrasaun Estatál, Miguel Pereira de Carvalho. Imajen TATOLI/Francisco Sony

DILI, 07 setembru 2022 (TATOLI)—Ministru Administrasaun Estatál (MAE), Miguel Pereira de Carvalho, hateten prosesu nomeasaun administradór postu administrativu Loré, munisípiu Lautém no postu administrativu Hatulia B, munisípiu Ermera iha juri nia liman no sei konklui iha setembru ne’e nia laran.

Notísia Relevante: MAE  halo selesaun pur méritu ba administradór Hatulia B no Lore

“Prosesu rekrutamentu Administradór Postu Administrativu Hatulia B ho Loré, sei la’o hela. Prosesu hotu-hotu sei iha juri sira-nia liman no ha’u hanoin setembru nia-laran bele konklui ona,” Miguel Pereira de Carvalho hateten ba Agência Tatoli, hafoin Konsellu Ministru, iha resintu Palásiu Governu, Dili, kuarta ne’e.

Governante ne’e hateten, funsionamentu administradór postu administrativu Hatulia B no Loré, relata ona ba Komisaun Funsaun Públika (CFP-sigla portugés).

“Ha’u hato’o ona pedidu ba Komisaun Funsaun Públika atu nomea administradór postu rua ne’e. Daudaun ne’e Ministériu Administrasaun Estatál realiza hela selesaun pur méritu, nune’e bele hetan administradór foun ba postu administrativu rua ne’e,” nia dehan.

Foin dadaun ne’e, nia dehan, hatudu ezerse funsaun ba subtituisaun de’it maibé atu sai administradór permanente presiza partisipa iha prosesu selesaun pur méritu.

“Tempu badak kandidatu sira sei tuir prova eskrita, hafoin pasa ba entrevista no ikus mai mellór kandidatu sei selesionadu mak sai administradora postu administrativu,” nia dehan.

Entretantu, orsamentu ba konstrusaun edifísiu administrasaun postuadministrativu sira-ne’e entre $140,000 to’o $160,000.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!