iklan

HEADLINE, SAÚDE

MS sei transfere pasiente 20-resin bá tratamentu médiku iha diáspora

MS sei transfere pasiente 20-resin bá tratamentu médiku iha diáspora

Diretor Nasional Servisu Hospitalar no Emerjensia HNGV, Nilton da Silva. Imajen Tatoli/Egas Cristovão

DILI, 12 setembru 2022 (TATOLI)— Diretór Nasionál Apoia Ospitalár no Emerjénsia iha Ministériu Saúde Nilton do Carmo da Silva, informa daudaun ne’e Ministériu Saúde trata hela dokumentu ba pasiente na’in-20-resin atu transfere bá halo tratamentu iha diáspora.

“Pasiente na’in-20-resin mak preparadu ona atu ba halo tratamentu iha rai li’ur, husi númeru ne’e balun iha ona dokumentu kompletu no balun sei iha prosesu laran,” Diretór Nasionál ne’e hateten ba Agência TATOLI iha kna’ar fatin-Caicoli, segunda ne’e.

Pasiente na’in-20 ne’e maioria moras kankru no kardiovaskulár ne’ebé tenke bá halo tratamentu iha ospitál rai li’ur tanba hetan rekomendasaun hosi ekipa junta médiku sira.

Tuir dadus hosi janeiru to’o setembru ne’e, MS konsege halo transferénsia ba pasiente na’in-157 bá halo tratamentu médiku iha Ospitál Indonézia, Malázia no Singapura.

“Ami halo transfere ona pasiente na’in 157, husi númeru ne’e na’in-hitu mak mate tanba ho moras komplikasaun. Daudaun pasiente na’in-57 mak kontinua halo tratamentu saúde,” nia afirma.

Pasiente hirak ne’e hahú hosi idade 0 to’o 12 mak na’in-12, kompostu hosi mane na’in-ualu no feto 10, no pasiente idade 12 to’o 60 mak mane 75 no feto 64.

“Ita transfere pasiente bazeia ba rekomendasaun junta médiku no transferénsia ne’e halo ba sidadaun tanba ita la haree ba ema boot no ema ki’ik, maibé ita trata hanesan sidadaun hotu hodi ba hala’o tratamentu sáude iha diaspora,” katak.

Jornalista : Felicidade Ximenes

Editór      : Florencio Miranda Ximenes

iklan
iklan

Leave a Reply

iklan
error: Content is protected !!