HEADLINE, KAPITÁL, NASIONÁL

Selebra loron mundiál ozonu, Timor-Leste tau-atensaun ba ameasa moris biodiversidade

Selebra loron mundiál ozonu, Timor-Leste tau-atensaun ba ameasa moris biodiversidade

Sekretáriu Estadu Ambiente (SEA) hamutuk ho parseiru sira selebra loron internasionál ozonu ho tema ‘kooperasaun globál proteje moris iha mundu’, iha salaun Suai Room, Timor Plaza, sesta (16/09). Imajen Tatoli/Francisco Sony

DILI, 16 setembru 2022 (TATOLI)—Mundu tomak ohin loron selebra loron mundiál ozonu ba da-35 no Timor-Leste liuhosi Sekretaria Estadu no Ambiente (SEA) no parseiru sira selebra loron ne’e ba da-16 ho tema ‘kooperasaun globál proteje moris iha mundu.’

“Ohin hanesan loron importante ba mundu liu-liu ba Timor-Leste tanba ita kontinua komemora loron mundiál ozonu ba da-16. Iha tinan 35 liubá mundu preokupa ba degradasaun ozonu ne’ebé mihis ba beibeik no sientísta sira deskobre katak mundu iha ameasa nia-laran tanba kamada ozonu komesa mihis,” Diretór Jerál Meiu Ambiente, João Carlos Soares, hateten, iha Suai Room, Timor Plaza, sesta ne’e.

Diretór dehan, kamada ozonu mihis tanba impaktu hosi gás klorofluorokarbonetu (CFC), indrokhlorokarbons (HCFC), no idrofluorkarboneti (HFC), la’ós de’it hamihis kamada ozonu maibé konsidera nu’udar gás ne’ebé estufa bele kauza ba mudansa ka impaktu alterasaun klimátika.

“Bainhira kamada ozonu mihis, sei fó ameasa moris iha mundu liu-liu ema no biodiversidade seluk iha tasi, lagoa, mota no rai-maran,” nia akresenta.

Notísia relevante: SEA sensibiliza protesaun kamada ozonu ba komunidade

Aleinde ne’e, radiasaun ultravioleta B la’ós de’it fó ameasa ba ema-nia moris maibé hamosu moras sira hanesan kankru kulit, katarak matan, hamenus imunidade no ameasa ortikultura ne’ebé kuda loron-loron no ema konsumu.

Mundu preokupa ho problema alterasaun klimátika, hahú hosi tinan 1992 hamosu konvensaun ida kompostu hosi mudansa klimatika, biodiversidade no degradasaun solo ka rai halai.

“Lakleur tan Timor-Leste iha domunetu lubuk ida kona-ba ratifikasaun hodi kontrola gás sira hanesan HCFC, ne’ebé agora mundu no Timor-Leste uza barak ona iha parte refirjenerasaun ka ar-kondisionadu (AC) tanba gás sira ne’e la’ós ozonu potensiál,” nia tenik.

Xefe Departamentu Kontrolu Substánsia Hamihis Kamada Ozonu, Luís do Santos Belo, hateten, Timor-Leste halo ona kontrola ba importasaun no exportasaun gás proibidu sira.

“Timor-Leste ratifika konvensaun Viena no protokolu Montreal iha tinan 2009, hanesan parte ne’ebá ita komesa halo ita-nia dekretu lei númeru 36/2012 ba kontrolu importasaun no esportasaun uza gás ne’ebé hamihis kamada ozonu,” nia dehan.

Tuir protokolu Montreal, mundu fó Timor-Leste kuota hahú tinan 2013, iha tonelada métrika 9,7, hanesan mós kilograma 9.700.

Daudaun porvolta kilograma 4.000 resin mak Timór fó ba empreza importadór sira atu importa para enxe ba AC uma sira ne’ebé tuan no seluk tan.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!