iklan

EKONOMIA, BOBONARO, HEADLINE, MUNISÍPIU

PNDS hein desizaun Autoridade Bobonaro reablita sede suku Manapa

PNDS hein desizaun Autoridade Bobonaro reablita sede suku Manapa

Diretór PNDS Munisípiu Bobonaro, Paulino Viegas Tilman. Imajen Tatoli/Sérgio da Cruz.

BOBONARO, 20 Septembru 2022 (TATOLI)-Diretór Programa Nasionál Dezembolvimentu Suku (PNDS), delegasaun territoriál munisípiu Bobonaro, Paulino Viegas Tilman, hateten sei hein desizaun hosi autoridade kompetente atu halo reablitasaun sede suku Manapa, postu administrativu Cailaco ne’ebé tama ona iha prioridade tinan 2021.

Paulino haktuir, tuir loloos sede suku refete reabilita ona iha tinan kotuk, maibé la konsege implementa tanba mosu disputa rai, tanba rai ne’ebé daudaun suku Manapa utiliza pertense ba propretáriu privada.

Notísia relevante: Xefe suku Manapa sei muda sede suku ba mini merkadu Biabubu

Nune’e mós suku Manapa hetan orientasaun hosi ministériu kompetente aut muda sede suku ba mini-merkadu Biabubu, maibé la konsege implementa tanba joegrafikamente área ne’e parte ba postu administrativu Maliana nune’e xefe suku Ritabou, Maximiano dos Santos Araújo la konkorda.

“Ami hein hela kuandu iha ona soluasaun entre postu no ema sira-ne’ebé mak halo problema disputa kona-bá fatin ne’e, iha ona soluasaun ami prontu atubele implementa reablitasaun sede suku Manapa, basta iha ona karta ou desizaun ida mai dehan bele ona hahú iimplementa,” Diretór PNDS imforma ba jornalista sira, iha Maliana, tersa ne’e.

Suku  Manapa iha aldeia tolu mak hanesan; Tapo-Meak, Lugu-Luli no Tateluri ho totál populasaun 2.076 no uma-kain 507.

Notísia relevante: Governu-Veteranu Bobonaro deside harii jardín eroi iha Manapa

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!