iklan

EDUKASAUN, HEADLINE

UNTL peskiza sorghum bele transforma ba fariña no masimidar

UNTL peskiza sorghum bele transforma ba fariña no masimidar

Batar ain-naruk ka sorghum. Imajen/Egas Cristóvão

DILI, 21 setembru 2022 (TATOLI)–Grupu peskizadór Universidade Nasionál Timor-Lorosa’e (UNTL) lidera hosi Peskizadora prinsipál, Brígida Antónia Correia, relata, batar ain-naruk nia funan ka hanaran sorghum ne’ebé tama iha matéria peskiza, hatudu rezultadu di’ak tanba bele transforma sai materiál tein.

“Ita halo ona peskiza katak sorghum bele prodús fariña, foos, bani-ben no masimidar musan no ben. Bainhira iha produsaun ne’e ita bele atinje kuantidade boot maka ita la presiza halo importasaun,” Peskizadora hateten ba Agência Tatoli, iha salaun Ian Martin INFORDEPE, Balide, kuarta ne’e.

Aleinde ne’e, grupu peskizadór sira iha ona dadus preliminária ne’ebé sei halo aprezentasaun iha semináriu ikus hodi relata rezultadu produsaun sorghum.

“Sorghum nia musan  aleinde bele halo hahán ba ema atu konsumu, ninia kain sira bele dulas depois fó han ba animál sira,” nia tenik.

Notísia relevante: Grupu Mokatil RAEOA prodús Sorghum sai hahan moderna

Produsaun sorghum hatama ona iha planu atu halo kolleta iha loron 21 outubru tinan ida ne’e.

“Ami sei konvida na’in-ulun sira atu partisipa iha atividade kolleta ne’e hodi hatudu katak ai-han ne’e importante duni iha ita-nia rain no bele sai ai-han alternativa ba ema no animál,” nia dehan.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!