iklan

NASIONÁL, POLÍTIKA

PCIC asina protokolu kooperasaun ho MACLN ba investigasaun kriminál

PCIC asina protokolu kooperasaun ho MACLN ba investigasaun kriminál

Polísia Siéntifika Investigasaun Kriminál (PCIC-sigla portugés) ho Ministériu Asuntu Kombatente Libertasaun Nasionál (MACLN, sigla portugés), asina protokolu kooperasaun ho konteúdu kona-ba matéria investigasaun kriminál ne’ebé liga ho krime nian iha salaun MACLN Caicoli, Dili, segunda (26/09) ne’e. Imajen Tatoli/Osória Marques.

DILI, 26 setembru 2022 (TATOLI)—Polísia Siéntifika Investigasaun Kriminál (PCIC-sigla portugés) ho Ministériu Asuntu Kombatente Libertasaun Nasionál (MACLN, sigla portugés), segunda ne’e, asina protokolu kooperasaun ho konteúdu kona-ba matéria investigasaun kriminál ne’ebé liga ho krime nian.

Notísia Relevante: Lista veteranu falsu na’in-500-resin ba ona Ministériu Públiku

Polísia Siéntifika Investigasaun Kriminál (PCIC-sigla portugés) ho Ministériu Asuntu Kombatente Libertasaun Nasionál (MACLN, sigla portugés), asina protokolu kooperasaun ho konteúdu kona-ba matéria investigasaun kriminál ne’ebé liga ho krime nian iha salaun MACLN Caicoli, Dili, segunda (26/09) ne’e. Imajen Tatoli/Osória Marques.

“Ohin, PCIC asina protokolu kooperasaun ho MAKLN. Protokolu ne’e iha nia importánsia no nia konteudu ida mak matéria investigasau kriminál, iha mós materia ba formasaun ne’ebé liga ho krime nian ne’ebé mak konjunta entre PCIC ho MACLN iha futuru,” Diretór Nasionál PCIC, Vicente Fernandes de Brito, hateten ba jornalista sira, iha salaun MACLN, Caicoli, Dili, segunda ne’e.

Protokulu ida-ne’e pontu partida ba iha kooperasaun ida-ne’e, futuru espera katak iha fleksibilidade no fasilita ba iha nível koordenasaun ba iha matéria administrasaun atu fasilita hodi realiza investigasaun faze inkéritu nian.

Tanba, nia dehan, ema hotu hatene katak falsifikasaun dadus hanesan iha nível investigasaun kriminál ne’e muitu kompleksu, nune’e ezize kooperasaun atu hakbesik liután entre PCIC ho MACLN.

Nune’e, dejeza MAKLN atu iha futuru tenke kontinua hametin kooperasaun ida-ne’, atu nune’e bele hola solusaun ida efikas no efisiénsia iha matéria prevensaun represaun iha krime sira.

“Ha’u hanoin ami-nia kooperasaun informalmente la’o tiha ona maibé entermu kooperasaun ne’e presiza atua iha forma ida maibé ho asinatura ohin ne’e ita eble dehan entrada ein-vigor iha ámbitu kooperasaun servisu nian,” nia dehan.

Maibé, tuir nia, dadus ka dokumentu ne’ebé mak falsifika ne’ebé sei iha prosesu inkereritu ne’e labele fó sai bs públiku tanba ifs-ne’esegredu justisa nian.

“Kazu ne’ebé mak sei iha prosesu inkeritu ne’e ita labele pronunsia iha kulaker tempu, maibé sertu ida-ne’e akotense no falsifikasaun dokumentu no notasaun téknika tuir estatístika nian ne’e nia okupa iha primeiru lugar. Ha’u hanoin dadus ne’e ha’u fahe ona Prezidente Repúblika no órgaun soberanu sira, maibé dasus ne’e jerál inklui ho veteranu nian,” nia dehan.

Ministru Asuntu Kombatente Libertasaun Nasionál (MAKLN), Júlio da Costa Sarmento “Meta Mali”, hateten durante tinan 2022 ne’e parte MACLN rejista kazu 30-resin.

“Parese tama iha tinan 2022, MACLN rejista kazu iha 30-resin, agora prosesu ne’e justisa nian maibé ida-ne’e ami halo prontu ona mak entrega ba PCIC,” nia dehan.

Aumezmu tempu, nia hatutan, ohin asina akordu protokolu kooperasaun maibé iha mós formasaun ba funsionáriu sira kona-ba sistema no orsamentu ne’ebé mak MACLN jere.

Notísia Relevante: MACLN identifika tan dokumentu veteranu falsu 3000-resin

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!