iklan

EDUKASAUN, HEADLINE

Governu estabelese definisaun montante bolsa estudu FDCH

Governu estabelese definisaun montante bolsa estudu FDCH

Logotipu FDCH. Imajen/Espesiál

DILI, 05 outubru 2022 (TATOLI)–Governu liuhosi reuniaun Konsellu Ministru (KM), kuarta ne’e, aprova alterasaun dahuluk ba dekretu-lei númeru 13/2020, loron 15 abril, kona-ba regulamentu Fundu Dezenvolvimentu Kapitál Umanu (FDCH, sigla portugés), ne’ebé aprezenta hosi Ministru Ensinu Superiór Siénsia no Kultura (MESSK), Longuinhos dos Santos.

“Alterasaun ida-ne’e ho objetivu atu klarifika kle’an ba natureza pagamentu bolsa estudu no estabelese regra sira ne’ebé konkreta ba definisaun montante atu garante baze legál ne’ebé fundamenta ba realizasaun pagamentu públiku sira tuir prosedimentu administrativu oinoin,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu.

Notísia relevante: Ema 99.692 sai benefisiáriu programa haat FDCH durante tinan 11

Nune’e, hakarak hadi’a redasaun hosi númeru 1 artigu VII atu klarifika regra sira ne’ebé destina ba realizasaun reuniaun estraordináriu Konsellu Administrasaun FDCH.

FDCH durante ezisténsia tinan 11, hahú tinan 2011 to’o 2022, gasta ona millaun $300 hodi fó bolsa estudu ba timor-oan hamutuk 7.000 ba eskola iha rai-laran no rai-li’ur, ne’ebé hosi númeru ne’e, 4.000 konsege gradua ona, maibé 3.000 sei ativu iha estudu, no hosi númeru ne’e maioria eskola iha Timór.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!