iklan

NASIONÁL, KAPITÁL

AMD realiza marsa saudável hodi komemora ‘Dili Day’ ba dala-253  

AMD realiza marsa saudável hodi komemora ‘Dili Day’ ba dala-253   

Prezidente Autoridade Munisípiu Dili, Guilhermina Filomena Saldanha. Imajen Tatoli/Francisco Sony

DILI, 07 outubru 2022 (TATOLI)-Governu, liuhosi Autoridade Munisípiu Dili (AMD) iha sesta ne’e realiza atividade marsa saudável, hahú hosi Estatua Avo Xavier Merkadu Lama to’o edifísiu Autoridade Munisípiu Dili, hodi komemora Dili Day ba dala-253.

“Ohin, atividade marsa saudável, lori selebra ita-nia loron Dili ba dala-253. Hosi atividade ne’e, mai hosi komunidade, funsionáriu, estudante sira no hosi marsa saudável ne’e rasik estudante sira hosi 04 setembru mak antuziasmu liu,” Prezidente Autoridade Munisípiu Dili, Guilhermina Filomena Saldanha, hateten ba jornalista sira iha resintu, Autoridade Munisípiu Dili (AMD), ohin.

Nia akresenta, ho atividade marsa saudável ne’e, orsida lokraik sei iha misa 05 iha igreza Balide no nia seminónia prinsipál sei hala’o iha 10 setembru, semana oin.

Maske nune’e, ezekutiva ne’e salienta, antes ne’e, Autoridade Munisípiu Dili hahú halo ona atividade balun iha 25 setembru hodi selebra dili day ba dala-253, kona-ba ekipa Munisípiu Dili ba halo avaliasaun ba suku ne’ebé moos hosi lixu no alfa, hosi avaliasaun ne’e iha serimónia prinsipál 10 outubru mak fó sai suku ne’ebé moos hosi lixu no Alfa (Área la soe fo’er arbiru).

“Nune’e, iha loron 03 no 04 fulan ne’e, Munisípiu Dili halo konsulta jerál ba funsionariu Autoridade Munisípiu Dili, komunidade ne’ebé hela besik no sira seluk ne’ebé mai, hodi halo konsulta ba moras hipertensaun, fuan, diabetes, tuberkoluze no sira ne’ebé hakarak hapara fuma no ohin, fim semana mak iha atividade long march ka marsa saudável no lorkraik taka ho misa,” nia dehan.

Entaun, ho atividade marsa saudável ne’e partisipa hosi funsionáriu, estudante, komunidade no Administradór Postu Administrativu sira no hosi atividade marsa saudável ne’e ramata Autoridade Munisípiu Dili realiza atividade dada-rifa, nune’e funsionáriu no estudante sira ne’ebé númeru kona hetan prémiu hanesan, pulsa, headdset, xapeo, pasta, makina fase roupa, jeleira, rice cooker, televizaun, buli cook, fugaun elektrika no farda desportu.

Entretantu, tuir Prezidente Autoridade Munisípiu Dili, katak prémiu sira ne’ebé Autoridade Munisípiu Dili halo ba atividade dada rifa, mai hosi parseriu sira ne’ebé durante halo servisu hamutuk ho Munisípiu Dili, hanesan Timor Telecom, kompañia Mahoka Rudal 7984, Jacrilo, Guirenez, China Nuclear, China Harbour, Pax, Instat Shop, Max Ads, Filipra, Heineken, Tractor, Indo, Visioday, Gsa, Cemill Printing, Filipra no Fari Violet.

Notísia relevante:AMD realiza konsulta saúde públiku hodi komemora Dili Day ba dala-253

Jornalista : Nelia Fernandes
Editór : Rafy Belo

 

iklan
iklan

Leave a Reply

iklan
error: Content is protected !!