DILI, 26 outubru 2022 (TATOLI)—Parlamentu Nasionál Timor-Leste (PN) agradese ba autoridade portugés nia apoiu hodi rezolve problema migrasaun traballu ba sidadaun Timor-Leste sira iha Portugál.
Notísia Relevante: Aniceto Guterres enkontru ho Prezidente Asembleia Repúblika Portugál Augusto Santos
Prezidente Parlamentu Nasionál, Aniceto Longuinhos Guterres Lopes, hateten iha XI Asembleia Parlamentár CPLP iha Lisboa-Portugál, problema ne’e sai hanesan preokupasaun ida ba autoridade sira Timor-Leste nian.
“Timor-Leste iha hela kruzamentu ida-ne’ebé defisil maibé hatene nesesidade atu interven molok situasaun ne’e sai grave liu. Ha’u agradese ba autoridade portugés sira-ne’ebé fó ona apoiu ba ami hodi rezolve problema ne’e. Migrasaun laborál sai ona aspetu determinante ida kona-ba realidade sosiál no ekonómiku nasaun barak no Timor-Leste nian la iha exesaun,” Prezidente PN hateten liuhosi komunikadu imprensa ne’ebé Agência Tatoli asesu, kuarta ne’e.
Ne’ebé fó-hanoin mós katak Timor-Leste halo ona ligasaun boot ida ho kualidade mobilidade traballu nian, liuhusi ninia rota regulár tuir akordu kooperasaun entre Governu Korea súl no Austrália no mobilidade traballu ho finansiamentu privadu.
Hahú kedas iha tinan 2011, Governu liuhusi Sekretaria Estadu Formasaun Profisionál no Empregu, konsege mobiliza traballadór timoroan besik 5000 ba Austrália no 3000 ba Korea súl.
Timor-Leste halo ona ligasaun boot ida ho kualidade mobilidade traballu nian, liuhosi dalan regulár ne’ebé tuir akordu kooperasaun nian sira entre Governu Korea Súl no Austrália no mobilidade traballu nian.
“Portugál mak destinu Populár ida ba traballadór migrante sira ne’ebé bele ka bele empresta osan hodi finansia sira-nia viajen. Maske nune’e, ami haree ona Migrasaun ne’ebé mai hosi organizasaun serbisu nian sira-ne’ebé halo ema sente ta’uk no la iha informasaun kona-ba ema barak,” nia hateten.
Aniceto Guterres rekuinese, aumentu iha ajénsia rekrutamentu ilegál iha Timor-Leste ne’ebé promove Migrasaun ne’ebé la regulár no tráfiku umanu, lori ba kondisaun esplorasaun traballu, hodi koloka migrante sira iha situasaun ne’ebé vulneravél tebes.
“Migrasaun nu’udar realidade no opsaun Governu sira tenke asegura desizaun ida-ne’ebé konsiente no seguru ba parte inteeresadu sira hotu,” nia dehan.
Timoroan besik 5.000 mak oras ne’e daudaun iha Portugál ne’ebé mak Governu Portugeza hasoru daudaun ne’e kria ona grupu traballu ida atu fó asisténsia umanitária ba timoroan sira.
Grupu traballu ne’e kompostu hosi embaixada Timor-Leste nian, alta komisária ba Migrasaun, Institutu ba formasaun Empregu no profisionál Portugál nian, Konsellu sidade Lisboa nian, servisu Guarda Nasionál Republikana nian no hosi Caritas.
Jornalista : Osoria Marques
Editór : Cancio Ximenes
