DILI, 26 outubru 2022 (TATOLI)—Prezidente Parlamentu Nasionál (PPN), Aniceto Longuinhos Guterres Lopes, hala’o enkontru bilaterál ho nia ómologu Prezidente Asembleia Repúblika (AR) Portugál, Augusto Santos Silva iha ámbitu XI Asembleia Parlamentár CPLP iha Lisboa, Portugál.
Notísia Relevante: PPN Aniceto Guterres partisipa iha sesaun solene XI Asembleia Parlamentár CPLP
Tuir komunikadu imprensa ne’ebé Agência Tatoli asesu, kuarta ne’e, haktuir enkontru bilateral ne’e hala’o iha sala Gabinete Prezidente Asembleia Repúblika (AR) Portugál, iha tersa (25/10).
Durante enkontru bilateral ne’e, Prezidente Parlamentu Nasionál Aniceto Longuinhos Guterres Lopes aborda kestaun prinsipál no estratéjiku balun hanesan agradese ba autoridade Portugeza ba sira-nia apoiu polítiku no morál ba traballadór timoroan ne’ebé hasoru hela situasaun kompleksu iha Portugál.
Iha parte seluk, PPN husu husu atu Governu Timor-Leste no Portugál bele asina akordu bilaterál ba mobilidade pesoa, nune’e garantia traballadór timoroan sira mai servisu ho seguru no kumpre prosedimentu legal hotu-hotu.
Hatán ba kestaun ne’e, Prezidente Asembleia Repúblika (AR) Portugál, Augusto Santos Silva, k komprometidu sei servisu hamutuk ho Governu Portuges atu haree ba proposta refere.
Jornalista : Nelia Fernandes
Editór : Cancio Ximenes
