iklan

HEADLINE, SAÚDE

Outubru, HNGV rejista pasiente kauza hosi asidente tráfegu na’in-142

Outubru, HNGV rejista pasiente kauza hosi asidente tráfegu na’in-142

Hospital Nasionál Gidu Valadares (HNGV). Imajen Tatoli/Francisco Sony

DILI, 07 novembru 2022 (TATOLI)— Xefe Interina Departamentu Emerjénsia Hospitál Nasionál Guido Valadares (HNGV), Lucia Barreto, informa hahú fulan-outubru sala emerjénsia rejista pasiente kauza hosi asidente tréfegu ho motór na’in- 142.

“Ami rejista pasiente kauza hosi asidente tráfegu motór na’in-142, hosi númeru ne’e feto 88 no mane 54. Enkuantu rejista mós pasiente hosi asidente tráfegu karreta na’in- 26, kompostu hosi feto sia no mane 17,” informa Xefe Interina  ne’e ba jornalista sira iha nia kna’ar fatin HNGV, segunda ne’e.

Alende ne’e, sala emerjénsia mós rejistu pasiente kauza hosi violénsia fíziku na’in-ualu, kompostu feto lima no mane tolu.

“Iha fulan outubru pasiente ne’ebé mak mate iha sala emerjénsia na’in-26, kompostu hosi mate iha uma mak mai ospitál na’in-13, no mai halo tratamentu mak mate iha sala emerjénsia na’in-13. Pasiente ne’ebé lakon vida mak feto 11 no mane 15,” nia relata.

Pasiente ne’ebé baixa iha sala materindade HNGV iha fulan outubru hamutuk 567, Medisina Interna 298, baixa sirurjia 140, pediatria 177, perinatolojia 67 no pskateria na’in-ida.

Hosi loron 01 to’o loron 06 novembru ne’e asidente motór na’in ualu, kompostu hosi feto tolu, no mane lima.

“Sira ne’ebé mai tratamentu iha sala emerjénsia iha fulan novembru ne’e sira nia moras kama’an hanesan médiku sira halo tiha observasaun haruka fila ba uma”.

Jornalista : Felicidade Ximenes

Editór       : Florencio Miranda Ximenes

iklan
iklan

Leave a Reply

iklan
error: Content is protected !!