iklan

HEADLINE, SAÚDE

Sentru Saúde Ermera Vila rejista pasiente ISPA 5.613

Sentru Saúde Ermera Vila rejista pasiente ISPA 5.613

Ilustrasaun Infesaun Respiratóriu Aguda. Imajen/Espesiál

 DILI, 14 novembru 2022 (TATOLI)—Xefe Sentru Saúde Ermera Villa, Manuel Soares, informa iha fulan setembru to’o  outrubru, rejista  moras Infensaun Vias Respiratoriu (ISPA) hamutuk 5.613.

“Iha fulan setembru, ita rejista moras ISPA hamutuk 2.820 , husi ne’e mane 1209 no feto 1611, tuir mak moras diareia hamutuk 161, mane 90 no feto 71,  pneumonia hamutuk 70,  kompostu  mane 39 no feto 31, moras scabies hamutuk 67, kompostu mane 37 no feto 30”, hateten Xefe Sentru Saúde Ermera Villa ne’e ba TATOLI via telelefonika, segunda ne’e.

Enkuantu, iha fulan outubru rejista ISPA hamutuk 1.527, kompostu husi mane 1.266 no feto 1.527, diareia hamutuk 252, kompostu mane 139 no feto 113, pneuomina hamutuk 95, hanesan mane 42, feto 53, no scabies hamutuk 108, kompostu mane 57 no feto 51.

“Moras sira ne’ebé mak ami  rejista afeta ba labarik no ema boot, maibé ba moras pneumonia ne’e ba labarik ki’ik  entaun  ita konsege fó tratamentu  ba sira  no to’o rekupera”, katak.

Moras ISPA ne’e ho sintoma mai husi rai rahun tanba  tempu udan, hafoin halo isin manas, mear, fani, dalaruma  kakorok moras, maibé moras ISPA ne’e bele halo tratamentu bainhira laiha komplikadu.

“Kona-ba ekipamentu mediku no medikamentu  ita sufisiente hodi halo atendimentu  ba pasiente  sira iha sentru saúde Ermera villa”, nia afirma.

Profisionál saúde ne’ebé  mak  iha sentru  saúde  Ermera Villa hamutuk 20-resin kompostu husi médiku na’in-tolu, kompostu Enfermeiru rua,Parteira tolu, Saúde Publika rua,Analista rua, faramasista rua, nutrisista  ida, asistente Enferemeiru na’in-tolu, motorista ida,  seguransa no cliner na’in rua.

Seidauk rejista kazu dengue

Alende ne’e, Xefe Sentru Saúde ne’e informa to’o agora seidauk rejistu kazu dengue.

“Hahú hosi tempu udan monu rai mai to’o agora, ami siedauk rejista kazu dengue iha sentru saúde Ermera vila, maibé ami halo ona preparasaun hodi aviza ba komunidade atu halo limpeja jerál iha sira nia uma ka bairru”, katak.

Kona-ba fumigasaun, nia dehan ekipa ambientál munisípiu Ermera mak sei halo atividade ne’e iha área risku ba dengue.

Jornalista : Felicidade Ximenes

Editór      : Florencio Miranda Ximenes

iklan
iklan

Leave a Reply

iklan
error: Content is protected !!