iklan

INTERNASIONÁL, BOBONARO, MUNISÍPIU

Cuba hametin kooperasaun ho Autoridade Bobonaro

Cuba hametin kooperasaun ho Autoridade Bobonaro

Sekretáriu Autoridade Munisípiu Bobonaro, João do Carmo de Fátima, hala’o enkontru ho Embaixadór Repúblika Cuba iha Timor-Leste, José Ernesto Dias. Imajen espesiál.

BOBONARO, 15 Novembru 2022 – Sekretáriu Autóridade Munisípiu Bobonaro, João do Carmo de Fátima, tersa ne’e realiza enkontru ofisiál ho Embaxadór Repúblika Cuba mai Timor-Leste, José Ernesto Dias, hodi hametin kooperasaun serbisu iha setór saúde nian.

João do Carmo de Fátima, informa, objetivu hosi enkontru ne’e atu hametin kooperasaun bilaterál entre munisipiu Bobonaro ho embaixada Cuba iha Timor-Leste, tanba iha mandatu primeiru Governu selebra akordu ida hodi investe rekursu umanu iha setór saúde.

João haktuir, liuhosi kooperasaun estadu rai-rua nian ne’e konsege investe ona estudante medisina timor oan sira inklui Bobonaro oan lubuk ida ba estudu iha Repúblika Cuba, ikus mai rezultadu hatudu rekursu umanu hirak-ne’e  mak daudaun ne’e destaka hotu iha ospitál referál sira, serbisu hamutuk ho médiku Cubano hodi halo atendimentu saúde ba komunidade sira.

Notísia relevante: 2023, MS kontinua haruka médiku bá estuda área espesialidade iha Cuba

“Sira-nia komitmentu ne’ebé maka sira hakarak hatete ba ita katak, estadu Repúblika Cuba hakarak kontinua halo kooperasaun di’ak, liuhosi Ministériu Negósiu Estranjeiru no Kooperasaun no ita-nia munisípiu Bobonaro atu nafatin koopera di’di’ak ekipa brigada ho doutór Cubano sira-ne’ebé durante ne’e atende ita iha-ne’e,” nia informa ba jornalista sira, iha kna’ar fatin, Maliana.

Notísia relevante: Festivál múzika no kultura iha Atauro, sei promove TL ba mundu

Jornalista   : Sérgio da Cruz

Editór          : Evaristo Soares Martins

iklan
iklan

Leave a Reply

iklan
error: Content is protected !!