iklan

EKONOMIA, BOBONARO, HEADLINE, MUNISÍPIU

PMOPA faze dahaat iha Atabae implementa atividade 15

PMOPA faze dahaat iha Atabae implementa atividade 15

Administradór postu administrativu Atabae, Lino Tavares. Imajen Tatoli/Sérgio da Cruz.

BOBONARO, 30 novembru 2022 (TATOLI)-Programa Mão de Obra Postu Administrativua (POMOPA) iha postu administrativu Atabae, munisípiu Bobonaro, faze dahaat tinan f2022 implementa atividade 15 ne’ebé daudaun ne’e traballadórr sira hahú serbisu ona.

Administradór postu administrativu Atabae, Lino Tavares, haktuir tinan ne’e Atabae lansa programa ne’e ho atividade 53 benefísia komunidade 1,060 kobre suku haat ne’ebé faze dahuluk no datoluk konklui ona ho susesu.

Notisia relevante: Governu aloka rihun $698-resin implementa PMOPA iha Bobonaro

“Agora ami tama ona ba faze dahaat nian, ami iha atividade 15 fahe ba rua, iha atividade  haat mak nafatin konsidera limpeza jerál, depois atividade 11 ami halo konservasaun ba bee-matan. Ami sei sei finaliza iha fulan-dezembru nia laran,” nia informa asuntu ne’e iha enkontru Konsellu Koordenasaun Munisipál, ne’ebé realiza iha salaun administrasau munisípiu Bobonaro, kuarta ne’e.

Nia hatutan, molok kuda ai-oan, traballadór sira daudaun ne’e halo hela lutu ba bee matan ne’ebé identifikadu Ona.

Lino akresenta, atividad ne’e sei implementa iha tempu badak tanba Atabae daudaun ne’e simu ona viveiru protesaun hosi nasionál.

“Ami hetan ona ai-oan hosi nasionál hamutuk 1.000, maibé lato’o, ami sei iha nesesidade, entaun ami sei hato’o proposta  ba parte agrikultura munisípiu Bobonaro hodi distribui tán ai-oan,” nia katak.

Diretór Servisu Agrikultura no Peska Munisípiu Bobonaro, Alberto Gomes Lopes, esplika, departamentum floresta preparadu apiou veveiru bazea ba nesesidade postu Atabae nian.

“Ami sei konsidera ida-ne’e tanba ita iha ai-oan ne’ebé prodús tinan kotuk ho agora hamutuk rihun 25, iha Maliana rihun 10 no Balibo rihun 15, maibe ami mós sei haruka tékniku sira ba haree fatin sira-ne’e presiza kuda ai-oan ka lae,” nia katak.

Munisípiu Bobonaro hetan alokasaun orsamentu hosi Ministériu Administrasaun Estatál (MAE) ho montante $698.497,98 liuhosi Orsamentu Jerál estadu (OJE) tinan fiskál 2022. Hosi montante ne’e postu administrativu Atabae rasik iha faze dahuluk ne’e hetan rihun $114.

Notísia relevante: PAM Bobonaro husu traballadór PMOPA serbisu ho loloos

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!