EKONOMIA, HEADLINE

SEFOPE asina karta aseitasaun ho traballadór na’in-107 bá servisu iha Austrália

SEFOPE asina karta aseitasaun ho traballadór na’in-107 bá servisu iha Austrália

Traballadór timor-oan na'in 107 foto hamutuk ho Diretór Diresaun Nasional Empregu no Exterior (DNEE) Filomeno Soares, hafoin asina deklarsaun entre família traballadór no SEFOPE, Imajen/ DNEE.

DILI, 09 dezembru 2022 (TATOLI)— Governu liuhosi Sekretária Estadu Formasaun Profisionál no Empregu (SEFOPE) liuhosi Diresaun Nasionál Empregu no Exterior (DNEE), sesta ne’e, halo despedida liuhosi asina karta deklarasaun aseitasaun entre família, inan-aman no Governu hotu responsabiliza traballadór sira bainhira akontese situasaun ruma iha Austrália.

Kompañia lima hosi Governu Austrália, sesta ne’e, kontrata tan traballdór timoroan na’in-107 atu ba servisu iha Austrália, dezembru ne’e.

“Kompañia lima ne’ebé kontrata tan ita-nia traballadór sira mak hanesan, kompañia Madec/ Nora Valley simu traballadór hamutuk 33, Tasmanian Berries simu traballadór 50, Mountford Barries simu na’in-neen, Madec/ Bonaccord simu-10 no Cutri Fruits simu na’in ualu”, hateten Filomeno Soares, hateten, iha salaun DNEE Becora, Dili.

Biban ne’e, nia husu ba traballadór sira atu bá servisu iha Austrália kuidadu-an no servisu la’o tuir regulamentu ne’ebé mak iha tanba Governu nia prorgama haruka traballadór ba servisu iha rai-li’ur ho objetivu atubele halo kontente família.

“Ha’u apela ba traballadór sira ba servisu atubele hetan esperensia foun no manán ema nia osan, tanbá ne’e husu atu labele halai sees hosi sistema, hatudu komportamentu ne’ebé di’ak, servisu rai osan hodi nune’e fila mai bele hadi’a ekonómia família no hasa’e kresimentu ekonómia nasaun”, nia sujere.

Jornalista : Arminda Fonseca

Editór     :  Florencio Miranda Ximenes

iklan
iklan

Leave a Reply

iklan
error: Content is protected !!